ක්‍රිකට් ක්‍රීඩකයින්,නළුවන්,ගායකයින්,මාධ්‍යවේදීන් එකට ගැටුණු ක්‍රිකට් සංග්‍රාමයේදී ක්‍රිකට් ක්‍රීඩකයින් පරදියි

2024 ජනවාරි 15, ප.ව. 12:43

ශ්‍රී ලංකා හිටපු ක්‍රිකට් ක්‍රීඩකයින් , නළුවන්,ගායකයින්, You Tubers, නිවේදකයින් ඇතුළු කණ්ඩායම් 7ක සහභාගීත්වයෙන් Indoor ක්‍රිකට් තරගාවලියක් පසුගියදා Austasia Sports and Leisure Club ගෘහස්ථ ක්‍රීඩාංගණයේදී පැවැත්වුණා.

මෙම තරගාවලිය සංවිධාන කර තිබුණේ Lets March to Future සංවිධානයි.

එහි සභාපති ලෙස උදිත වෙඳසිංහ මහතා කටයුතු කරනවා.

LMF Indoor Cricket League 2024 ලෙස නම් කර තිබුණු මෙම තරගාවලිය සඳහා හිටපු ක්‍රිකට් ක්‍රීඩකයින් වන සචිත්‍ර සේනානායක ,ධම්මික ප්‍රසාද් ,අකලංක ගනේගම ,මිලින්ද සිරිවර්ධන එක්ව සිටිම කැපී පෙණුනා.

ලීග් මුලික වටයෙන් පසු අවසන් මහා තරගය සඳහා Cricket Blasters කණ්ඩායම සහ Royal Entrepreneurs කණ්ඩායම සුදුසුකම් ලබා ගත්තා.

මෙම තරගය ජය ගත් Royal Enterepeneurs කණ්ඩායම පළමු LMF Indoor ක්‍රිකට් තරගාවලියේ ශූරතාව දිනා ගත්තේය.