වාහන ආනයනය ගැන සතුටුදායක ආරංචියක්

2024 මැයි 29, පෙ.ව. 6:48

---

---

රජය විසින් වාහන ආනයන සීමා ක්‍රමානුකූලව ලිහිල් කිරීමට තීරණය කරන්නේ නම් ඒ සඳහා විදෙස් සංචිත කළමනාකරණය කිරීමට මහ බැංකුවට හැකියාව ඇතැයි ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ සදහන් කරයි.

තවද ජාත්‍යන්තර මුල්‍ය අරමුදලේ දෙවන සමාලෝචනය ලබන මාසයේදී සම්පුර්ණ කිරීමට හැකිවනු ඇති බවද මහ බැංකු අධිපතිවරයා සදහන් කරයි.

මහ බැංකු අධිපතිවරයා තවදුරටත් සදහන් කළේ,

“සමහර වාහනවලට දැනටමත් ඉඩදීලා තිබෙනවා. වාහන ආනයනය ක්‍රමානුකූලව ලිහිල් කරන එක වැදගත් තීරණයක්. විදේශ විනිමය කළමනාකරණය කරන්න පුළුවන් කියන විශ්වාසය අපිට තිබෙනවා.”

ප්‍රවෘත්ති සාකච්ඡාවකට එක්වෙමින් මහ බැංකු අධිපතිවරයා මේ බව සඳහන් කරයි.

---