චන්ද්‍රයාන්-3 මෙහෙයුමේ රෝවරයෙන් වැදගත් සොයාගැනීමක්

2023 අගෝස්‍තු 29, ප.ව. 10:08

---

---

චන්ද්‍රයාන්-3 මෙහෙයුමෙහි ප්‍රග්යාන් රෝවරය විසින් සඳෙහි දකුණු ධ්‍රැවය ආසන්න ප්‍රදේශයේ සල්ෆර් ඇති බවට තහවුරු කර තිබෙන බව ඉන්දීය අභ්‍යවකාශ පර්යේෂණ ආයතනය පවසනවා.

Laser-Induced Breakdown Spectroscope උපකරණය මගින් කළ පරීක්ෂණවලින් මේ බව අනාවරණය වූයේ යයි එම ආයතනය සඳහන් කර තිබුනා.

තවද​, සඳෙහි දකුණු ධ්‍රැව ප්‍රදේශයෙහි හයිඩ්‍රජන් සෙවීමේ කටයුතු තවදුරටත් සිදුවෙමින් පවතිනවා.

බලාපොරොත්තු වූ පරිදිම එම ප්‍රදේශයේ ඇලුමිනියම්, කැල්සියම්, යකඩ​, ක්‍රෝමියම්, ටයිටේනියම්, මැන්ගනීස්, සිලිකන් සහ ඔක්සිජන් හමුවූ බව ද ආයතනය කියා සිටියා.

එමෙන්ම මීට පෙර කළ පරීක්ෂණවලදී සඳෙහි පෘෂ්ඨයේ සිට පහළට යනවිට එහි උෂ්ණත්වය අඩුවන බව ද සොයාගෙන තිබෙනවා.

ප්‍රග්යාන් රෝවරය චන්ද්‍රයාන්-3 මෙහෙයුමේ වික්‍රම් යානය ගොඩබැස්ස ස්ථානයෙන් මීටර් අටක් පමණ දුරක වන ප්‍රදේශයක් ගවේෂණය කර ඇති බවයි සඳහන් වන්නේ.

---