2024 දෙසැම්‍බර් 23, ප.ව. 12:49
තම රටෙහි නෞකාවලින් අය කරන අධික ගාස්තු අඩු නොකරන්නේ නම් පැනමා ඇළේ පාලනය නැවත ඇමරිකා එක්සත් ජනපදය අතට ගන්නේ යයි ඩොනල්ඩ් ට්‍රම්ප් අනතුරු අඟවා තිබෙනවා.
ඇරිසෝනා ප්‍රාන්තයේ සිය අනුගාමිකයන් පිරිසක් අමතමින් ට්‍රම්ප් සඳහන් කළේ පැනමාව විසින් අය කෙරෙන ගාස්තු ඉතා අසාධාරණ බවයි. එමෙන්ම පැනමා ඇළේ පාලනයට චීනය අත පොවන්නේ යයි ඔහු චෝදනා කරනවා.
මේ අතර පැනමාවේ ජනාධිපති හොසේ රාවුල් මුලීනෝ සඳහන් කරන්නේ තම රටෙහි ස්වෛරීභාවය පිළිබඳ විවාදයක් නොමැති බවයි. පැනමා ඇළේ පරිපාලනයට කිසිවෙක් අත නොදමන බව ඔහු අවධාරණය කළා.
ට්‍රම්ප් පැනමාවට මෙසේ තර්ජනය කළ ද මෙම කටයුත්ත ක්‍රියාවට නගන ආකාරය පිළිබඳ පැහැදිලි කිරීමක් සිදුකර නැහැ.
පැනමා ඇළ ප්‍රදේශය 1903 සිට 1979 තෙක් ඇමරිකානු පාලනය යටතේ වූ ප්‍රදේශයක් වූ අතර පැනමා ඇළ 1914 දී විවෘත වූ දින සිට 1999 දක්වා පැවතියේ ඇමරිකානු පරිපාලනය යටතේයි.
2025 අප්‍රේල් 03, ප.ව. 8:58
2025 මාර්තු 31, ප.ව. 5:53
2025 මාර්තු 31, ප.ව. 1:43
2025 මාර්තු 31, ප.ව. 1:15
2025 මාර්තු 31, ප.ව. 1:06