කේරළයේ නම වෙනස් කිරීමේ යෝජනාවක් ප්‍රාන්ත සභාවේ සම්මතයි

2023 අගෝස්‍තු 09, ප.ව. 3:19

---

---

ඉන්දියාවේ කේරළ ප්‍රාන්තයේ නම “කේරළම්” ලෙස වෙනස් කිරීමේ යෝජනාවක් ප්‍රාන්ත සභාවේදී ඒකමතිකව සම්මත වී තිබෙනවා.

මහ ඇමති පිනරායි විජයන් විසින් ඉදිරිපත් කරන ලද යෝජනාවට ප්‍රාන්තයේ ප්‍රධාන විපක්ෂය වන කොන්ග්‍රස් පක්ෂයේ ද අනුමැතිය ලැබී තිබෙනවා.

සිය යෝජනාව ඉදිරිපත් කරමින් මහ ඇමතිවරයා සඳහන් කළේ මලයාලම් බසින් කේරළයට කේරළම් යයි හැඳින්වූව ද ඉන්දියාවේ ආණ්ඩුක්‍රම ව්‍යවස්ථාව මගින් විශේෂිතව නම් කර ඇති භාෂා 22 න් අන් සියළු භාෂාවලින් එය “කේරළ” ලෙස හැඳින්වෙන බවයි. එහෙයින් ප්‍රාන්තයේ නම එම භාෂාවලින් ද කේරළම් ලෙස හැඳින්වෙන ලෙස අවශ්‍ය කටයුතු මධ්‍යම ආණ්ඩුව විසින් කළ යුතු යයි එම යෝජනාවේ දැක්වෙනවා

---