පාතාලෙට සම්බන්ධ දේශපාලකයෝ සෙට් එකක් ඉන්නවා – ආරක්ෂක ඇමති සියල්ල හෙළි කරයි

2025 ඔක්‍තෝබර් 21, පෙ.ව. 12:13

මහජන ආරක්ෂක අමාත්‍ය ආනන්ද විජේපාල මහතා විසින් අනතුරු අඟවා ඇත්තේ පාතාල කල්ලි රටින් තුරන් කර සිරගත කරන බවයි.

එමෙන්ම ඔහු වැඩිදුරටත් අවධාරණය කළේ ශ්‍රී ලංකා දේශපාලනයට පාතාල කල්ලි ද ඇතුළු වී ඇති ආකාරයයි.

මාධ්‍ය වෙත අදහස් දක්වමින් ආනන්ද විජේපාල මහතා ඉහත ප්‍රකාශය කළේය.

“මෙතෙක් අත්අඩංගුවට ගෙන ඇති පාතාල කල්ලි සාමාජිකයින්ට අධිකරණය හරහා සුදුසු දඬුවම් ලබා දෙනු ඇත.ඔවුන් හා සම්බන්ධ කිසිදු ප්‍රසිද්ධ චරිතයක් හෝ දේශපාලනඥයෙකු පැන නොයනු ඇත. අපි ඔවුන් සියල්ලන්ම අත්අඩංගුවට ගන්නෙමු. දේශීයව සහ විදේශයන්හි පලා යන සියලුම පාතාල කල්ලි අපි අත්අඩංගුවට ගෙන සිරගත කරන්නෙමු. මෙම පාලනය තුළ පාතාල කල්ලි තුරන් කර සිරගත කරන්නෙමු” ඔහු පැවසීය.