අධිවේගයේ බස් නැවතූ රියදුරන්ට, පොලිසියට ක‍්‍රියාමාර්ග ගන්නවා.. සංවිධායක ලයිස්තුව කැදෙවුවා..- ජනපති

2025 මැයි 04, ප.ව. 2:42

---

---

ජාතික ජන බලවේගයේ මැයි දිනයට පැමිණි පිරිසක් බස් රථ දක්ෂිණ අධිවේගී මාර්ගයේ නවත්වා අධිවේගී මාර්ගයේ නීති උල්ලංඝණය කළ පිරිසට පමණක් නොව, නොව එම අවස්ථාවේ එම සිද්ධිය නිරීක්ෂණය කරමින් සිටි පොලිස් නිලධාරීනට එරෙහිව ද නීතිය ක්‍රියාත්මක කරන බව ජනාධිපති අනුර කුමාර දිසානායක පැවසුවේය.

ඔහු අවධාරණය කළේ මේ අකාරයෙන් කටයුතු සිදුවිය යුතු නැති බවය. මේ වනවිට එම බස් රථ ලේඛනය සහ එම බස් රථ භාරව සිටි සංවිධායකවරුන්ගේ ලයිස්තුවක් තමන් ගෙන්වාගෙන ඇති බවත් රටේ නීතියට අනුව ඒ ගැන කටයුතු කරනවා පමණක් නොව පක්ෂය තුළත් මේ පිරිස සම්බන්ධව සාකච්ඡා කර අවශ්‍ය විනය ක්‍රියාමාර්ග ගන්නා බවත් ජනාධිපතිවරයා සහතික වුනේ ය.

ජනාධිපතිවරයා මේ ප්‍රකාශය සිදුකලේ දෙරණ 360 දේශපාලන වැඩසටහනට එක් වෙමිනි.

වැඩසටහන මෙහෙයවූ මාධ්‍යවේදියා ජනාධිපතිවරයාගෙන් විමසා සිටියේ පොලිසිය බලා සිටිය දී දක්ෂිණ අධිවේගී මාර්ගයේ නීති රීති අමු අමුවේ උල්ලංඝණය කරමින් මේ සිදුකළේ කුමක් ද යන්නත් රජය පොරොන්දු වූ සිස්ටම් චේන්ජ් එක දැන් කොතැනක ද යන්නත් විමසූ විට ඊට පිළිතුරු දෙමින් ජනාධිපතිවරයා පැවසුවේ වැරැද්දක් වී ඇති බවත් වැරැද්දට නීතියෙන් කටයුතු කරන බවත්ය.

---