හෝටල් සේවිකාවෝ දෙන්නා හප්පපු නිළිය වන්දි දෙන්න කැමතියිලු

2025 ඔක්‍තෝබර් 30, ප.ව. 1:40

---

---

බත්තරමුල්ල වෝටර්ස් එජ් හෝටලය අසලදී සේවිකාවන් දෙදෙනෙකු සිය වාහනයට ගැටීමේ චෝදනාවට ලක්ව සිටින නිළි අයේෂා දිසානායක සම්බන්ධ නඩුව ඊයේ දින (ඔක්තෝබර් 29) අලුත්කඩේ අංක 07 මහේස්ත්‍රාත් අධිකරණයේදී විභාගයට ගැනුණි.

2025 ඔක්තෝබර් 20 වන දින පෙ.ව. 10:30 සිට පෙ.ව. 11:00 දක්වා කාලය තුළ හෝටල් රථගාලේ ඇගේ කළු පැහැති BYD රථය මගින් රිය අනතුරක් සිදුවී ඇත.

කොටිකාවත්තේ පදිංචි 27 හැවිරිදි කාන්තාවක් සහ අතුරුගිරියේ පදිංචි 36 හැවිරිදි කාන්තාවක් මේ ආකාරයෙන් බරපතල තුවාල ලබා ඇත.

එහිදී එක් අයෙකු කොළඹ ජාතික රෝහලේ ප්‍රතිකාර ලබන අතර, ශ්‍රෝණිය සහ උකුල ප්‍රදේශයට බරපතල තුවාල සිදුවී ඇති අතර, අනෙක් තැනැත්තා ජයවර්ධනපුර මහ රෝහලේ ප්‍රතිකාර ලබන අතර පාදයේ අස්ථි බිඳීම් සිදුවී ඇත.

ඒ අනුව ඇය එදින සිදුවූ අනතුරෙන් පසු ඇති වූ හෘදයාබාධ තත්ත්වයක් හේතුවෙන් 1990 හදිසි ගිලන් රථයකින් ජයවර්ධනපුර රෝහලට ඇතුළත් කිරීමට කටයුතු කර ඇත.

මේ අතර, අයේෂා ප්‍රතිකාර ලබමින් සිටියදී ඔක්තෝබර් 22 වන දින වැලිකඩ පොලිසිය විසින් අත්අඩංගුවට ගෙන ඔක්තෝබර් 23 වන දින ගංගොඩවිල මහේස්ත්‍රාත් අධිකරණයට ඉදිරිපත් කරන ලද අතර, පසුව ඇයට ඇප නියම විය.

මේ වනවිට ඇය එම අනතුරට ලක් වූ එක් කාන්තාවක් වෙනුවෙන් ඇය වන්දියක් වශයෙන් රුපියල් දෙලක්ෂ පනස්දාහක් බැගින් ලබාදීමට එකඟ වී ඇති බවට තොරතුරු වාර්තාවේ.   

---