තවත් ආන්දෝලනාත්මක නඩු 2ක විමර්ශන අවසන්.. නොබෝ දිනකින් ප්‍රභලයෙක් අත්අඩංගුවට.!

2025 අගෝස්‍තු 24, පෙ.ව. 12:13

---

---

සන්ඩේ ලීඩර් කර්තෘ, ප්‍රවීණ ජනමාධ්‍යවේදී ලසන්ත වික්‍රමතුංග ඝාතනය සහ ජනමාධ්‍යවේදී කීත් නොයාර්ට පහරදීම සම්බන්ධව සිදුකරනු ලබන විමර්ශන අවසන් කර ඇතැයි මහජන ආරක්ෂක කටයුතු ඇමැති ආනන්ද විජේපාල පාර්ලිමේන්තුවේදී අනාවරණය කළේය.

ඒ අනුව ඊට වගකිවයුත්තන්ට එරෙහිව අධිචෝදනා ගොනුකිරීමට ලිපිගොනු නීතිපතිවරයා වෙත යවා ඇතැයි ද කී ඇමැතිවරයා, කාලයේ වැලිතලාවට යට වූ එම සිද්ධි පිළිබඳව නැවත විමර්ශන ආරම්භ කළේ වත්මන් ආණ්ඩුව බවද හෙතම කියාසිටියේය.

ජනමාධ්‍යවේදී ප්‍රගීත් එක්නැලිගොඩගේ අතුරුදන්වීම සම්බන්ධව ත්‍රිපුද්ගල මහාධිකරණයකින් මේ වනවිට විභාග කරන බවත්, එහි සාක්ෂිකරුවන්ට බලපෑම් කළ හමුදා ඉහල නිළධාරියෙකු රක්ෂිත බන්ධනාගාරගත කර ඇති බවත් ඔහු සඳහන් කළේය.

ඒ අනුව ඉදිරියේදී එම සිදුවීම් සම්බන්ධ හිටපු ප්‍රභලයකු අත්අඩංගුවට ගෙන අධිකරණයට ඉදිරිපත් කිරීමට නියමිත බවද වාර්තා වෙයි.

---