තෙල් සංස්ථාව ප්‍රතිව්‍යුහගත කෙරේ

2024 ජූනි 26, පෙ.ව. 10:21

---

---

ලංකා තෙල් නීතිගත සංස්ථාව ප්‍රතිව්‍යුහගතකරණය කරන ලද බව විෂය භාර ඇමැති කංචන විජේසේකර නිවේදනය කරයි.

මේ සම්බන්ධයෙන් ඇමැතිවරයා නිකුත් කරන ලද X පණිවිඩය පහත පරිදි වෙනවා.

ලංකා තෙල් නීතිගත සංස්ථාව(CPC) ප්‍රතිව්‍යුහගතකරණය කිරීමේ සැලැස්ම යටතේ, CPC සතු පිරිපහදුව, ඉන්ධනවල ගුණාත්මකභාවය, කාර්යක්ෂමතාව, ධාරිතාව සහ පිරිවැය අඩුකිරීම සඳහා අවශ්‍ය ආයෝජන ආකර්ෂණය කරගැනීම සහ ඉහළ නැංවීම වෙනුවෙන් වෙනම රජය සතු සහ ක්‍රියාත්මක වන ආයතනයක් ලෙස පිහිටුවනු ඇත.

CPC දැනට අනුමත සේවක පිරිස සහ වැටුප් ව්‍යුහය ද සංශෝධනය කෙරෙන අතර බහුවිධ කාර්යයන් සහ සේවා සඳහා ඩිජිටල් වේදිකාවන් හඳුන්වාදෙනු ඇත.

ප්‍රතිසංස්කරණ ක්‍රියාත්මක කිරීමේ කාල නියමය සහ ක්‍රියාවලිය පිළිබඳ සාකච්ඡාවක් ඊයේ CPC සහ පිරිපහදුවෙහි ජ්‍යෙෂ්ඨ කළමනාකාරීත්වය සමඟ පැවැත්විණි.

---