ජූනි සිට මාස හයෙන් හයට රාජ්‍ය සේවක වැටුප් වැඩි වෙයි

2024 සැප්‍තැම්‍බර් 06, පෙ.ව. 12:02

විසි එක්වෙනිදා පැවැත්වෙන ජනාධිපතිවරණයෙන් තමන් මෙරට ජනාධිපතිවරයා බවට පත් වූ පසු රාජ්‍ය සේවකයන්ට සඳහා වැටුප් වැඩි කිරීමක් සිදු කළ හැක්කේ 2025 වසරේ ජුනි මාසයේ පටන් බව ජාතික ජන බලවේගය නායක අනුර දිසානායක පවසනවා.

ඔහු පෙන්වා දෙන්නේ,රනිල් වික්‍රමසිංහ ජනවාරි මාසයේ සිටම වැටුප් වැඩි කරන බව පැවසුවද එය කළ නොහැකි දෙයක් බවත්,නැවත ජනාධිපතිවරයා බවට පත් නොවන බවත්ය.

එමෙන්ම ජාතික ජන බලවේග රජයක් යටතේ වැටුප් ඉහළ නංවන්නේ ජීවන වියදමට අනුරූපීව බවත් එය මාස හයෙන් හයට ඉහළ නැංවීම සිදු කරන බවත් ඔහු පවසනවා.

රූපවාහිනී නාලිකාවක සාකච්ඡාවකට එක්වෙමින් ඔහු මෙම අදහස් පළ කර තිබෙනවා.