සෙව්වන්දි කියා පොලිසිය රැවටී වෙනත් කාන්තාවක් අත්අඩංගුවට අරන්

2025 අප්‍රේල් 02, ප.ව. 12:23

---

---

අලුත්කඩේ අධිකරණය තුලදී ගණේමුල්ල සංජිවට වෙඩි තබා ඝාතනය කිරීමේ සැලසුමේ මෙරට මහ මොලකාරිය යැයි පැවසෙන ඉෂාරා සෙව්වන්දී නමැති කාන්තාව අනුරාධපුරයේ හෝටලයක නවාතැන් ගෙන සිටිතැයි ලද තොරතුරකට අනුව පොලිසිය 31 දින සිදු කළ වැටලීමකදී ඇගේ රුවට බොහෝ සමාන කාන්තාවක් අත්අඩංගුවට ගෙන ඇත.

ඇය සමග හිටපු හමුදා මේජර්වරයකුද අත්අඩංගුවට ගෙන ඇත්තේ ලක්ෂ 35 කට ආසන්න අයිස්, කුෂ් හා කේරළ ගංජා තොගයක්ද සමගිනි.

අනුරාධපුර පොලිසිය පවසන්නේ මෙලෙස අත්අඩංගුවට පත්ව ඇත්තේ කුරුණෑගල උඩවල පාරේ පදිංචි 53 හැවිරිදි හිටපු හමුදා මේජර්වරයකු සහ 33 හැවිරිදි කාන්තාවක් බවයි.

අනුරාධපුර නගරයේ ප්‍රසිද්ධ හෝටලයක ඉෂාරා සෙව්වන්දි නමැති කාන්තාව සිටින බවට බුද්ධි අංශ වලට ලැබුණු තොරතුරකට අනුව අනුරාධපුර කොට්ඨාස අපරාධ විමර්ශන අංශය මෙම වැටලීම කර ඇති අතර පොලිස් නිල සුනඛ අංශයේ ද සහාය ලබාගෙන තිබින.

කාන්තාව සහ හිටපු මේජර්වරයා අනියම් සබඳතාවක් පවත්වා ගෙන යමින් මත්ද්‍රව්‍ය ජාවාරමේ යෙදෙන බවට අනාවරණය කරගත් බවත්, හිටපු මේජර්වරයා මත්ද්‍රව්‍ය චෝදනා වලට කිහිප වතාවක් අනුරාධපුරයේදී අත්අඩංගුවට ගෙන ඇති බවත් පොලිසිය සඳහන් කළේය.

---