2024 ඔක්තෝබර් 16, ප.ව. 12:31
සියලු විශ්රාමිකයන් සඳහා අද (16) දින සිට රුපියල් 3000ක මාසික අන්තර් කාලීන දීමනාව ඔවුන්ගේ ගිණුම්වලට මුදා හැරීමට විශ්රාම වැටුප් දෙපාර්තමේන්තුව කටයුතු කර තිබෙනවා.
විශ්රාමිකයන් සඳහා යෝජිත රුපියල් 3000ක මාසික අන්තර් කාලීන දීමනාව නොගෙවීම සම්බන්ධයෙන් සොයා බැලූ ජනාධිපති අනුර කුමාර දිසානායක විසින් ඊට අදාළ මුදල් මහා භාණ්ඩාගාරයෙන් ලබා දෙන ලෙසටයි පසුගිය දා උපදෙස් ලබා දී ඇත.
ඒ, අනුව මහා භාණ්ඩාගාරයෙන් අවශ්ය මුදල් විශ්රාම වැටුප් දෙපාර්තමේන්තුවට ලබා දී ඇති අතර, ඒ අනුව අද දිනයේ සිට විශ්රාමිකයන්ගේ ගිණුම් වලට එම මුදල් බැර කිරීමටයි කටයුතු කර ඇත්තේ.
සියලු විශ්රාමිකයන් හට රුපියල් 3000ක මාසික අන්තර් කාලීන දීමනාවක් ලබා දීම සඳහා 2024//08/24 දිනැති රාජ්ය පරිපාලන චක්රලේඛන අංක 02/2024 නිකුත් කර තිබුණද, ඒ සඳහා ප්රතිපාදන වෙන් කර නොමැති බවයි ජනාධිපති මාධ්ය ඒකකය නිවේදනයක් නිකුත් කරමින් සඳහන් කර කළේ.
පසුගිය 14 වැනිදා පැවැති අමාත්ය මණ්ඩල රැස්වීමේදී ගනු ලැබූ තීරණයට අනුව විශ්රාමිකයන් 679,960ක් වෙනුවෙන් මේ මාසය සඳහා රුපියල් මිලියන 2,021ක ප්රතිපාදන භාණ්ඩාගාර මෙහෙයුම් දෙපාර්තමේන්තුව විසින් විශ්රාම වැටුප් දෙපාර්තමේන්තුව වෙත ලබා දී ඇති අතර විශ්රාම වැටුප් දෙපාර්තමේන්තුවේ ප්රධාන කාර්යාලය මඟින් මෙම දීමනාව අද (16) සිට ගෙවීමට කටයුතු කර ඇත.
රාජ්ය හා පෞද්ගලික බැංකු මගින් විශ්රාම වැටුප ලබා ගන්නා විශ්රාමිකයන්ගේ බැංකු ගිණුම් වෙත අද දිනයේම මුදල් බැර කර ඇති අතර, තැපැල් කාර්යාල හා උපකාර්යාල මගින් විශ්රාම වැටුප් ලබා ගන්නා විශ්රාමිකයින්ට එළඹෙන (18) සිට මෙම දීමනාව ලබා ගැනීමට හැකියාව පවතියි.
2026 මාර්තු 24, ප.ව. 5:17
2026 මාර්තු 24, ප.ව. 4:20
2026 මාර්තු 24, පෙ.ව. 9:53
2026 මාර්තු 24, පෙ.ව. 9:40
2026 මාර්තු 24, පෙ.ව. 8:54
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
24-03-26
23-03-26
23-03-26
23-03-26
23-03-26
23-03-26
23-03-26
23-03-26
23-03-26