කැබ්වලට වෙන්කළ මුදලින් ආපදාවට පත් ජනතාව නඟා සිටුවන්න…! – නාමල් රාජපක්ෂ

2025 දෙසැම්‍බර් 07, පෙ.ව. 12:13

---

---

ආප­දාව සැල­කි­ල්ලට ගෙන අය – වැය යළි සංශෝ­ධ­න­යට ලක්කළ යුතු බව ශ්‍රී ලංකා පොදු ජන පෙර­මුණේ ජාතික සංවි­ධා­යක, පාර්ලි­මේන්තු මන්ත්‍රී නාමල් රාජ­පක්ෂ පවසයි.

“කැබ් ගැනීම වෙනු­වට ජන ජීවි­තය වගේම ගම්බිම් නඟා­සි­ටු­වී­මට මුදල් යෙද­වී­මට සිදුව තිබෙ­නවා. එම නිසා අය – වැය අනි­වා­ර්ය­යෙන්ම වෙනස් කළ යුතුයි.

ආණ්ඩුව මේ අය – වැය ගැන නැවත වතා­වක් අව­ධා­නය යොමු කළ යුතුයි කියා අපි විශ්වාස කර­නවා. ඒ පිළි­බ­ඳව පාර්ලි­මේ­න්තුවේ දී පවා අපි අව­ධා­නය යොමු කර­නවා. පසු­ගිය අය – වැයෙත් සිය­යට පන­හ­ක්වත් බිම් මට්ටමේ ව්‍යාපෘති ක්‍රියා­ත්මක කළේ නැහැ. කොප­මණ මුදල් වෙන් කළත් ඒවා විය­දම් නොක­ළොත් විශාල ප්‍රශ්න­යක්.

මේ ආපදා තත්ත්වය නිසා හානි වූ පාර­වල්, නිවාස, රෝහල් කඩි­න­මින් යථා තත්ත්ව­යට පත්කළේ නැති­නම් ඒවා ජන ජීවි­ත­යට විශාල වශ­යෙන් බල­පා­නවා. ආණ්ඩුව සුපු­රුදු මන්ද­ගාමී ස්වරූ­ප­යෙන් සංව­ර්ධ­නය දිහා බැලු­වොත් ඊළඟ වස­රේ­දීත් ජන­තා­වට දැඩි පීඩා­ව­කට ලක්වෙන්න වෙනවා.”

පක්ෂ සංවි­ධා­ය­ක­ව­රුන් සමඟ ශ්‍රී ලංකා පොදු­ජන පෙර­මුණ පක්ෂ මූල­ස්ථා­නයේ පැවැති සාක­ච්ඡා­ව­කින් අන­තු­රුව මාධ්‍ය වෙත අද­හස් දක්ව­මින් මන්ත්‍රී­ව­රයා මේ බව කියා සිටි­යේය.

---