කෙහෙල්බද්දර පද්මේගේ කටින් ඉෂාරා සෙව්වන්දි ගැන පැන්න අලුත්ම විස්තරේ

2025 සැප්‍තැම්‍බර් 01, ප.ව. 1:40

කොළඹ මහාධිකරණයේදී පාතාල නායකයෙකු වූ ගනේමුල්ල සංජීව ඝාතනය කිරීමේ සිද්ධියට අදාළව, අපරාධකරුවෙකුට නීතිඥවරියකගේ වෙස් ගෙන පිස්තෝලයක් පොත් අතර සඟවාගෙන ගෙනවිත් දුන්නේ යැයි කියන ඉෂාරා සෙව්වන්දි නම් කාන්තාව සොයා මේ වන විටත් පොලිස් විමර්ශන සිදුවෙමින් පවතින බව වාර්තා වේ.

ඒ අනුව ජ්‍යෙෂ්ඨ පොලිස් නිලධාරියෙකුට අනුව, ඇය මේ වන විට එක්සත් අරාබි එමීර් රාජ්‍යයේ ඩුබායි හි සැඟවී සිටින බව අනාවරණය වී තිබෙනවා.

මෙම තොරතුරු අත්අඩංගුවට ගත් කෙහෙල්බද්දර පද්ම නමැත්තාගෙන් කළ ප්‍රශ්න කිරීම් මඟින් හෙළිව ඇති බව සඳහන්.

එසේ වුවද අඳාළ සැකකාරිය තවමත් මෙරට සැඟවී සිටින්නේද යන්න පිළිබඳවද විමර්ශන කරමින් සිටින බව පොලිසිය පවසයි.

මේ අතර ඩුබායි හි ඇය සිටින බව තහවුරු කරගත් පසු, ඇයව අත්අඩංගුවට ගැනීමට අවශ්‍ය පියවර ගන්නා බවද පොලිස් ආරංචි මාර්ග වැඩිදුරටත් සඳහන් කරයි.

අඳාළ ඝාතනයට ආධාර අනුබල දුන් බවට සැකපිට ඉෂාරා සෙව්වන්දිගේ මව සහ සහෝදරයෙකු මින් පෙර කොළඹ අපරාධ කොට්ඨාසය මඟින් අත්අඩංගුවට ගෙන රිමාන්ඩ් භාරයේ රඳවා තිබුණා.

එහෙත් එසේ රිමාන්ඩ් බාරයේ සිටියදී, ඇයගේ මවට පිළිකා රෝගයක් වැළඳී රෝහලක ප්‍රතිකාර ලබමින් සිටියදී ජීව්තක්ෂයට පත්ව තිබුණා.