2023 ඔක්තෝබර් 15, ප.ව. 9:46
චීනයේ පැවැත්වෙන ජාත්යන්තර සහයෝගීතාව සඳහා වන 03 වන “එක් තීරයක් – එක් මාවතක්” සමුළුව සඳහා සහභාගි වීමට ජනාධිපති රනිල් වික්රමසිංහ අද (15) රාත්රියේ දිවයිනෙන් පිටත්ව යාමට නියමිතයි.
මේ අනුව ජනාධිපතිවරයා හෙට (16) සිට 20 වනදා දක්වා චීනයේ සිව් දින නිල සංචාරයකට එක් වනු ඇති බව ජනාධිපති මාධ්ය අංශය සඳහන් කළා.
ජනාධිපතිවරයා දිවයිනෙන් බැහැර වන එම කාලසීමාව තුළ ඔහු යටතේ පවතින අමාත්යාංශවල රාජ්ය අමාත්යවරුන්ට වැඩබලන අමාත්ය ධූරයන්හි වගකීම් පවරා තිබෙනවා.
ඒ අනුව හෙට (16) සිට ක්රියාත්මක වන පරිදි රාජ්ය අමාත්ය ප්රමිත බණ්ඩාර තෙන්නකෝන් වැඩබලන ආරක්ෂක අමාත්යවරයා ලෙසත්, රාජ්ය අමාත්ය රංජිත් සියඹලාපිටිය වැඩබලන මුදල් අමාත්යවරයා ලෙසත්, රාජ්ය අමාත්ය කනක හේරත් වැඩබලන තාක්ෂණ හා ආයෝජන ප්රවර්ධන අමාත්යවරයා ලෙසත්, රාජ්ය අමාත්ය අනුප පස්කුවල් වැඩබලන කාන්තා, ළමා කටයුතු හා සමාජ සවිබල ගැන්වීම් අමාත්යවරයා ලෙසත්, වනජීවි හා වන සම්පත් සංරක්ෂණ අමාත්ය පවිත්රා වන්නිආරච්චි වැඩබලන පරිසර අමාත්යවරිය ලෙසත් පත් කර තිබෙනවා.
2024 සැප්තැම්බර් 08, පෙ.ව. 12:06
2024 සැප්තැම්බර් 08, පෙ.ව. 12:05
2024 සැප්තැම්බර් 08, පෙ.ව. 12:04
2024 සැප්තැම්බර් 08, පෙ.ව. 12:02
2024 සැප්තැම්බර් 08, පෙ.ව. 12:00