කොළඹ ප්‍රසිද්ධ තැනකට ඇතුල්වීම ලාංකිකයින්ට තහනම් කරයි! විදේශිකයින්ට තහනම නෑ! වහාම පොලිස් බලඇණියක් කැඳවයි

2023 මාර්තු 14, ප.ව. 6:13

---

---

කොළඹ 7, පිහිටි නිදහස් චතුරශ්‍ර පරිශ්‍රය දේශීය සංචාරකයන්ට අද (14) දිනයේ ඇතුළත්වීම තහනම් කර ඇති බවත් විදේශ සංචාරකයන්ට පමණක් ඇතුළත් වියහැකි බවත් පොලිසිය පවසනවා.  

දේශීය සංචාරකයන් අද දිනයේ නිදහස් චතුරශ්‍ර පරිශ්‍රයට ඇතුල්වීමට නම් රාජ්‍ය පරිපාලන අමාත්‍යංශයේ අවසරය ගතයුතු බව පොලිසිය පෙන්වා දෙනවා.

එසේ නොමැතිව ශ්‍රී ලාංකිකයන් කිසිවෙක්ට අද දිනයේ නිදහස් චතුරශ්‍රයට ඇතුල්වීමට අවස්ථාව නොලැබුණු බව ද පොලීසිය සඳහන් කළා.

නිදහස් චතුරශ්‍ර පරිශ්‍රය සහ ඒ අවට පොලිස් නිලධාරීන් විශාල පිරිසක් ආරක්‍ෂාවක් යොදා තිබෙනවා.

---