“මීළඟට ජනතාව පහර දෙන්නේ රාජ්‍ය නිලධාරීන්ට” – ලේකම්ගෙන් ප්‍රකාශයක්

2022 ජූනි 19, පෙ.ව. 4:07

---

---

රජයේ නිලධාරින් වගකිමකින් තොරව කටයුතු කලහොත් ජනතාව මීළඟට ජනතාව පහර දෙන්නේ රාජ්‍ය නිලධාරින්ට බව කෘෂිකර්ම අමාත්‍යංශයේ ලේකම් රෝහණ පුෂ්පකුමාර මහතා පවසනවා.

කෘෂිකර්ම අමාත්‍යංශ ලේකම්වරයා මේ බව කියාසිටියේ (18) දින නුවරඑලිය දිස්ත්‍රික්කයේ ආහාර සුරක්ෂිතතා වැඩසටහනට සමගාමීව ගිනිගත්හේන ප්‍රාදේශිය ලේකම් කොට්ඨාශයේ කළුගල කෘෂිකර්ම පර්යේෂණ සහ නිෂ්පාදන සහකාර කාර්යාලයේ ස්ථාපනය කරන ලද ආහාර මන්දිරය විවෘත කිරීමේ අවස්තාවට එක් වෙමින්.

ගිනිගත්හේන ප්‍රාදේශිය ලේකම් කාර්යාල බල ප්‍රදේශයේ ගම්මානවල වගා කරන ආහාර වර්ග කල් තබා ගැනිම සදහා එම කාර්යාලයේ නිලධාරින්ගේ අධික්ෂණය යටතේ සිදු කරන ලද ආහාර සුරක්ෂිතතා වැඩසටහනට සමගාමිව තේ කුඩු, බඩ ඉරිගු, කොස්, දෙල්, පොළොස් ඇතුළු ආහාර ද්‍රව්‍ය රැසක් කල් තබා ගන්නා ආකාරයට සකස් කරන ලද ආහාර එම ආහාර මන්දිරයෙන් මිල දි ගැනිමට ප්‍රදේශවාසින්ට අවස්තාව උදාවනවා.

මෙවැනිම ආහාර මන්දිර ග්‍රාමසේවා වසම් මට්ටමින් මුළු දිස්ත්‍රික්කය පුරා පවත්වාගෙන යාම මෙම වැඩසටහනේ අරමුණ බවයි නුවරඑලිය දිස්ත්‍රික් ලේකම් නන්දන ගලබොඩ මහතා කියා සිටියේ.

මෙම ආහාර මන්දිරය විවෘත කිරිමේ අවස්තාවට විශේෂ අරාධිතයා වශයෙන් එක් වු කෘෂිකර්ම අමාත්‍යංශයේ ලේකම්වරයා කියාසිටියේ ඉදිරි මාස කිහිපය තුල මේ රටේ ජනතාව දැඩි පිඩාවට පත්වන අවධානමක සිටින නිසා ජනතාවද ඉන් මිදීමට විශාල කැප කිරීමක් සිදු කල යුතු බවයි.

වී අස්වැන්න නෙලා ගැනිමේදි ගොවියන් 99% අස්වැන්න නෙලා ගැනිමට යන්ත්‍ර සුත්‍ර භාවිතා කරන නිසා ඉදිරියේදී ඒ සඳහා විශාල ඉන්ධන ප්‍රමාණයක් අවශ්‍ය බවත්, එම ඉන්ධන සොයාගැනිමට මේ වන විට ගැටළුවක් මතු වී ඇති නිසා අස්වැන්න නෙලා ගැනීමට යුධ හමුදාවේ සහ දිස්ත්‍රික්ක මට්ටමින් ශ්‍රමදායකත්වයක් ලබා ගැනීමේ වැඩසටහනක් සම්බන්ධයෙන් මේ වන විට සාකච්ඡා කරමින් සිටින බවයි.

පවතින තත්ත්වය මත තව දින කිහිපයක් තුල ජනතාවට පුද්ගලික වාහනවලින් මෙන්ම පොදු ප්‍රවාහන සේවාවලින් බැහැර වී පයින් ගමන් කිරිමට හෝ පැරණි සම්ප්‍රදායට අනුව ගමන් බිමන් යාමට සිදු විමේ අවධානමක් මතු වි ඇති බවයි අමාත්‍යංශ ලේකම්වරයා කියාසිටියේ.

---