මඩිහේ මහා නාහිමි ගුණ සැමරුම වොෂින්ටන් හිදී

2023 සැප්‍තැම්‍බර් 14, පෙ.ව. 1:02

---

---

අපවත්වී වදාළ පරම පූජනීය, නිල නොලත් සංඝරාජ යැයි ප්‍රකට මඩිහේ පඥාසීහ මහා නාහිමියන්ගේ විසිවැනි ගුණානුස්මරණ පිංකම උන්වහන්සේගේ ජ්‍යෙෂ්ඨ ශිෂ්‍ය පුත්‍ර මහරගම වජිරඥාන ධර්මායතනාධිපති උතුරු ඇමරිකාවේ ප්‍රධාන සංඝනායක අතිපූජ්‍ය මහරගම ධම්මසිරි නායක ස්වාමීන්වහන්සේගේ මූලිකත්වයෙන් ඇමරිකාවේ වසන ශ්‍රී ලාංකීය ජනතාවගේ සහභාගිත්වයෙන් වොෂින්ටන් බෞද්ධ විහාරයේදී පැවැත්විණ.

මීට දශක හයකට පමණ පෙර වොෂින්ටන් බෞද්ධ විහාරය ආරම්භ කරන ලද්දේ මඩිහේ මහා නාහිමි විසින් වන අතර එය ඇමරිකාවේ ආරම්භ කළ ප්‍රථම ශ්‍රී ලාංකීය විහාරස්ථානයද වෙනවා.

මෙවර ගුණානුස්මරණ දේශනාව සිදුකරන ලද්දේ කෑරගල පද්මාවතී පිරිවෙන් විහාරාධිපති රජාවෙල නන්දරතන හිමියන් විසින් වන අතර වොෂින්ටන් බෞද්ධ විහාරවාසී රතනසීහ හිමි ප්‍රමුඛ සංඝරත්නය ද මෙම අවස්ථාවට සම්බන්ධ වුණා.

---