ජපන් වාහන වල ඔබ පුදුම කරවන මිල ගණන් මෙන්න

2025 ජනවාරි 31, පෙ.ව. 12:10

මෙරට ජනාතාවට භාවිතය සඳහා මෝටර් රථ ආනයනයට අවසර ලබාදෙන්නේ නම් ජපානයේ භාවිත කරන ලද නිසි තත්ත්වයෙන් යුතු මෝටර් රථ අඩු මිලකට මෙරටට ආනයනය කරවිය හැකි බව වාහන ආනයන කරුවන්ගේ සංගමය සඳහන් කරනවා.

ඒ අනුව, බදු රහිතව සුසුකි වැගන් ආර් වර්ගයේ මොටර් රථයක් මෙරට මුදලින් ලක්ෂ 35ක් වැනි මුදලකට ලබාගත හැකි බවයි ඔවුන් පවසන්නේ.

මෙරටට රථ වාහන ආනයනය සඳහා පසුගියදා රජය ගැසට් නිවේදනයක් මගින් අවසර ලබාදෙනු ලැබුවද, එම ගැසට් නිවේදනයට අනුව සාමාන්‍ය ජනතාව සඳහා මෝටර් රථ ඇතුළු වාහන ආනයනයට අවසර ලැබී තිබුනේ නැහැ.

එවන් පසුබිමක මෝටර් රථ ඇතුළු වාහන ආනයනයට අවසර දෙන්නේ නම් ජපානයේ භාවිත කරන ලද නිසි තත්ත්වයෙන් යුතු මෝටර් රථ අඩු මිලකට මෙරටට ආනයනය කරවිය හැකි බව වාහන ආනයන කරුවන්ගේ සංගමය ප්‍රකාශ කරනවා.

ඒ, අනුව ඔවුන් පවසන ආකාරයට නවීන පන්නයේ ”ටොයොටා කොරොල්ලා ක්‍රොස්” වර්ගයේ මෝටර් රථයක් බදු රහිතව මෙරටට රුපියල් ලක්ෂ 55 – 60ක් අතර මුදලකට ආනයනය කළ හැකියි.

තවද ජපානයේ ”හොන්ඩා වෙසල්” වර්ගයේ මොටර් රථයක් මෙරටට ආනයනය කිරීමේ දී ඒ සඳහා වන මිල රුපියල් ලක්ෂ 60 – 65ත් අතර පැවතිය හැකි බව ඔවුන් පවසනවා.

මේ අතර බදු මිල ඇතුළත් නොවී ”ටොයොටා යාරිස්” වර්ගයේ මොටර් රථයක් මෙරටට රුපියල් ලක්ෂ 27 – 30ත් අතර මුදලකට ආනයනය කිරීමට හැකියාව පවතිනවා.

එමෙන්ම ”ටොයොටා යාරිස් ක්‍රොස්” වර්ගයේ මෝටර් රථයක බදු රහිත මිල රුපියල් ලක්ෂ 55ක් පමණ වනවා.

තව ද මෙරට බොහෝ දෙනෙකු අතර ජනප්‍රිය ”සුසුකි වැගර් ආර්” වර්ගයේ මෝටර් රථයක් මෙරට මුදලින් ලක්ෂ 35ක් වැනි මුදලකට ලබාගත හැකි බවයි වාහන ආනයන කරුවන්ගේ සංගමය සඳහන් කරනවා.