පළමු ටොයොටා ලංකා වාහන තොගය මෙරටට ආනයනය කරයි..අලුත් වාහන වල මිල අඩුයි..පැරණි වාහන වල මිල වැඩියි..නව මිල මෙන්න

2024 දෙසැම්‍බර් 18, පෙ.ව. 11:40

---

---

ආනයන සීමා ලිහිල් කිරීමෙන් පසු සංචාරක කාණ්ඩයේ වාහන සඳහා ටොයොටා ලංකා වාහන පළමු තොගය මෙරටට ආනයනය කර තිබෙනවා.

ඒ අනුව බස් සහ වෑන් රථ මෙරටට මාස හතරක කාලයක් ඇතුළත සාර්ථකව ආනයනය කරන ලද බවයි එම සමාගම නිවේදනය කළේ.

එම සමාගම කියා සිටියේ, ඉදිරියේදී තවත් බොහෝ වාහන ආනයනය කිරීමට බලාපොරොත්තු වන බවයි.

මේ අතර ලක්‍ෂ 150ක මුදලකට අලුත්ම ටොයොටා වෑන් රථයක් හා ලක්‍ෂ 170කට අලුත්ම ටොයොටා බස් රථයක් අලෙවි කරන බව, වාහන ආනයනට පෙර ටොයොටා ලංකා සමාගම විසින් පූර්ව ප‍්‍රචාරක දැන්වීම් වල සදහන් කර තිබුණා.

මෙම මිල නියම කර ඇත්තේ වසර දහයක් පමණ පැරැණි මෙම කාණ්ඩයේ වෑන් රථ රුපියල් කෝටි දෙකකට ආසන්න මිලකට අලෙවි කරමින් ඇති පසුබිමකදී වීම ද විශේෂත්වයක්.

ශ්‍රී ලංකාවට වසර හතරක පමණ කාලයක් තිස්සේ වාහන ආනයනය අත්හිටුවා තිබුණේ විදේශ විනිමය අර්බුදය හේතුවෙන් ය.

ඒ හේතුවෙන් මෙරට භාවිතා කරන වාහන වල මිලද අසාමාන්‍ය ලෙස ඉහල නංවා තිබේ.

---