චතුරිකාගෙන් නව ශ්‍රී ලංකා වාර්තා ත්‍රිත්වයක්

2023 දෙසැම්‍බර් 29, ප.ව. 2:08

---

---

පොළොන්නරුවේදී පැවැත්වෙන ජාතික බර ඉසිලීමේ ශූරතාවේදී ශ්‍රී ලංකා නාවික හමුදාව නියෝජනය කළ චතුරිකා ප්‍රියන්ති නව ශ්‍රී ලංකා වාර්තා 3ක් පිහිටුවීමට සමත්වුණා.

ඒ ඇය තරග වැදි කිලෝග්‍රෑම් 87 බර පංතියේදීයි.

චතුරිකා ප්‍රියන්ති ස්නැච් ක්‍රමයට කිලෝග්‍රෑම් 90ක බරක් එසවූ අතර, ක්ලීන් ඇන්ඩ් ජර්ක් ක්‍රමයට කිලෝග්‍රෑම් 113ක බරක් එසවීමට සමත්වුණා.

ඒ අනුව ඇය කිලෝග්‍රෑම් 87 බර පංතියේ ප්‍රථම ස්ථානය හිමි කරගත්තේ සමස්ත බර කිලෝග්‍රෑම් 203ක බරක් ඔසවමින්.

එසවූ මෙම බර ප්‍රමාණ තුනම නව ශ්‍රී ලංකා වාර්තාවීම කැපී පෙනෙන සිදුවීමක් වනවා.

---