2026 ජනවාරි 14, ප.ව. 9:48
T 20 ලෝක කුසලාන 2026 තරගාවලිය සඳහා ශ්රී ලංකා ජාතික ක්රිකට් කණ්ඩායම භාවිතා කිරීමට නියමිත නව ජර්සිය, ශ්රී ලංකා ක්රිකට් ආයතනය හා එහි නිල ක්රිකට් ඇඳුම් සහකරු වන Moose Clothing Company එක්ව අද කොළඹදී නිල වශයෙන් එළිදක්වන ලදී.
මෙම නව ජර්සිය, ක්රීඩකයින්ගේ සුවපහසුව ඉහළ නැංවීම, වාතය හොඳින් සම්ප්රේෂණය කර ගැනීම සහ ඉහළ තීව්රතාවයකින් යුත් තරග අතරතුර වැඩි සංචලන නිදහස ලබා දීම අරමුණු කරගෙන සැලසුම් කර ඇත.
ශ්රී ලංකා ක්රිකට් ආයතනයේ නිල වර්ණ වන කහ සහ නිල් වර්ණ මූලික කරගත් මෙම ජර්සියේ, ශක්තිය, එකමුතුව සහ විශ්වාසය නිරූපණය කරන ගැඹුරු නිල් වර්ණ අලංකාර ලෙස එකතු කර ඇත. නවීන ජාත්යන්තර මට්ටමේ නාම හා අංක සැලසුම මඟින් ජර්සියට සමකාලීන රූපලාවණ්යයක් එක් කර ඇති අතර, උරහිස් ප්රදේශයේ යෙදූ විශේෂ නිල් ‘පයිපින්’ සැලසුම ජාතික හැඳුනුමට ගෞරව දැක්වෙන අයුරින් නිර්මාණය කර ඇත.
ඉහළම ක්රීඩා කාර්යසාධනය ඉලක්ක කරගෙන නිපදවා ඇති මෙම ජර්සිය, නවෝත්පාදනයේ පරිපූර්ණ මිශ්රණයක් ලෙස උපරිම සංචලන නිදහස, ධාරිතාව සහ වායු සම්ප්රේෂණය පහසු වන රෙදි භාවිතයෙන් සකස් කර ඇත. එසේම, ජර්සියේ දෙපස යොදා ඇති mesh පැනල් මඟින් වායු සංසරණය තවදුරටත් වැඩි දියුණු කර ඇති අතර, ඒ හරහා විවිධ කාලගුණික තත්ත්වයන් යටතේද දිගු වේලාවක් සිසිලසකින් යුතුව ක්රීඩා කිරීමේ පහසුව ක්රීඩකයින්ට ලබා දී තිබේ.
මෙම නව ජර්සි හඳුන්වාදීම, 2023 වසරේ ආරම්භ වූ ශ්රී ලංකා ක්රිකට් හා Moose Clothing අතර අඛණ්ඩ හවුල්කාරිත්වයේ තවත් වැදගත් සංධිස්ථානයක් ලෙස සැලකෙයි. එම හවුල්කාරිත්වය යටතේ Moose Clothing, ශ්රී ලංකා ක්රිකට්හි නිල ක්රිකට් ඇඳුම් සහකරු ලෙස කටයුතු කරමින්, පිරිමි හා කාන්තා ජාතික කණ්ඩායම් සඳහා මෙන්ම වයස අවුරුදු 19න් පහළ කණ්ඩායම්වල සිට ජ්යෙෂ්ඨ ජාතික කණ්ඩායම් දක්වා සියලු මට්ටම් ආවරණය වන පරිදි ක්රීඩා ඇඟළුම් නිර්මාණය හා සැපයීම සිදු කරමින් සිටී.
නව ජර්සිය නිල වශයෙන් හඳුන්වාදීම ශ්රී ලංකා T20 ජාත්යන්තර කණ්ඩායම් නායක දසුන් ශානක විසින් සිදු කළ අතර, Moose Clothing Company හි ප්රධාන විධායක නිලධාරී හසිබ් ඕමාර් මහතා විසින් එම ජර්සිය ශ්රී ලංකා ක්රිකට් සභාපති ශම්මි සිල්වා මහතා වෙත නිල වශයෙන් භාරදීම සිදු කරන ලදී.
2026 ජනවාරි 12, ප.ව. 9:48
2026 ජනවාරි 12, ප.ව. 12:48
2026 ජනවාරි 11, පෙ.ව. 8:21
2026 ජනවාරි 09, ප.ව. 10:09
2026 ජනවාරි 08, ප.ව. 9:01