2022 දෙසැම්බර් 17, පෙ.ව. 7:28
ජනශක්ති සමූහ ව්යාපාරයේ අධ්යක්ෂවරයෙකු වූ දිනේෂ් ශාෆ්ටර්ගේ මරණය සම්බන්ධයෙන් බොරැල්ල පොලිසියට අමතරව අපරාධ පරීක්ෂණ දෙපාර්තමේන්තුවේ මනුෂ්ය ඝාතන හා සංවිධානාත්මක අපරාධ ඒකකය මගින් විමර්ශන සිදුකරන බව පොලිසිය සඳහන් කළා.
ඊට අමතරව බුද්ධි අංශ මගින් ද විමර්ශන සිදුකරන බව පොලිස් නිලධාරියෙක් පැවසුවා.
මේ වන විට බොරැල්ල පොලිසිය මගින් ඔහුගේ බිරිඳ වන ටානි ශාෆ්ටර්ගෙන්, විධායක නිලධාරියෙකුගෙන්, සුසාන භූමියේ ආරක්ෂක නිලධාරීන් කිහිප දෙනෙකුගෙන් සහ සේවකයින්ගෙන් ප්රකාශ සටහන් කරගෙන තිබෙනවා..
ඊට අමතරව අධ්යක්ෂවරයා පැදවූ බව කියන මෝටර් රථයේ විද්යුත් දත්ත පරීක්ෂා කිරීමට ද, ඔහු පරිහරණය කළ ජංගම දුරකතනය පරීක්ෂා කිරීම මෙන් ම විශේෂයෙන්, සීසීටීවී කැමරා දර්ශන දැඩි පරීක්ෂාවට ලක් කිරීමට විමර්ශන සිදුකරන නිලධාරීන් විසින් මේ වන විට පියවර ගනු ලැබ ඇතැයි එම නිලධාරියා පැවසුවා.
ඔහු ප්රධාන දොරටුවෙන් සුසාන භූමියට තනිව ම ඇතුළු වූ බවට මූලික විමර්ශනවලදී අනාවරණය වී යැයි පොලිසිය සඳහන් කළා.
වසර තුනකට පමණ ඉහතදී ප්රකට ක්රිකට් විස්තර විචාරකයෙකුට සභාපතිවරයා විසින් රුපියල් කෝටි 400කට ආසන්න මුදලක් ව්යාපාරික කටයුතු සඳහා ලබා දී ඇති අතර එම ගනුදෙනුව සම්බන්ධයෙන් පැවති මතභේදාත්මක තත්ත්වයක් මත සභාපතිවරයා විසින් එම ක්රිකට් විස්තර විචාරකයාට එරෙහිව අපරාධ පරීක්ෂණ දෙපාර්තමේන්තුව වෙත ඉකුත් කාලය තුළදී පැමිණිලි තුනක් ඉදිරිපත් කරනු ලැබ ඇතැයි ද දැනගන්නට තිබෙනවා.
අදාළ මුදල් ලබා ගත් ප්රකට ක්රිකට් විස්තර විචාරකයා හමුවීම සඳහා යන බව බිරිඳට හා විධායක නිලධාරිවරයාට පවසමින් කුරුඳුවත්ත, මල් පාර නිවසින් ඔහු පෙරේදා (15) දහවල් 1.30ට පමණ පිටත්ව ගොස් තිබූ බව පොලිසිය පැවසුවා.
ඔහුගේ බිරිඳ මද වේලාවකදී ඔහුට දුරකතන ඇමතුම් ලබාගෙන ඇති අතර එවිට ඔහුගේ දුරකතනය ක්රියා විරහිත වී තිබී ඇති අතර බිරිඳගේ ජංගම දුරකතනයට ඔහු බොරැල්ල සුසාන භූමිය තුළ රැඳී සිටින බවට සංඥා ලැබී ඇතැයි පොලිසිය සඳහන් කළා.
ඒ අනුව, බිරිඳ සමාගමේ විධායක නිලධාරිවරයෙකුට ඒ බව පවසා බොරැල්ල සුසාන භූමිය වෙත යවා ඇති අතර ඔහු පැමිණ කළ සොයා බැලීමේදී අධ්යක්ෂවරයා පැමිණි මෝටර් රථයේ රියැදුරු අසුන මත ඔහුගේ අත් දෙක ගැට ගසා ගෙළට වයරයක් දමා සිර කර තිබෙන අයුරු දැක තිබූ බව පොලිස් නිලධාරියෙක් පැවසුවා.
ඒ වන විට සිහිසුන් තත්ත්වයකින් අධ්යක්ෂවරයා පසුවුණු බැවින් වහා ක්රියාත්මක වී ඇති විධායක නිලධාරියා සුසාන භූමියේ කම්කරු සේවකයෙකුගේ උදව් උපකාර ඇතිව ඔහුගේ අත් දෙක සහ ගෙළ තද වන ලෙස ගැටගසා තිබූ වයර් ඉවත්කර ඔහු කොළඹ ජාතික රෝහලේ හදිසි අනතුරු අංශය වෙත ඇතුළත් කිරීමට පියවර ගෙන තිබූ බව පොලිසිය සඳහන් කළා.
ඒ වන විට සවස 5.15ට පමණ වූ බව රෝහල් ප්රකාශකයෙක් පැවසුවා.
අසාධ්ය තත්ත්වයක පසු වූ අධ්යක්ෂවරයාට වෛද්යවරුන් කෘත්රිම ශ්වසනය ලබා දීම සඳහා අවශ්ය උපකරණ සවිකර දැඩිසත්කාර ඒකක දෙක වෙත වෙත යොමු කළ ද අසාධ්ය තත්ත්වයේ පසුවූ ඔහු කිසිදු ප්රකාශයක් නොකර පැය කිහිපයක් තුළදී ඊයේ රාත්රී මිය ගිය බව ද රෝහල් ප්රකාශකයෙක් සඳහන් කර සිටියා.
මිය යන විට ඔහු 51 වන වියේ පසු වූ තිදරු පියෙක්.
ඉතා සැලසුම්සහගතව අධ්යක්ෂවරයා සුසාන භූමිය වෙත කැඳවා පිරිසක් එක්ව මෙම සාහසික අපරාධය සිදු කරන්නට ඇතැයි සැකකරන බව විමර්ශන කටයුතු සිදු කරන උසස් පොලිස් නිලධාරියෙක් පැවසුවා.
මේ අතර, දිනේෂ් ශාෆ්ටර්ගේ මරණය ගෙළ සිරකර සිදු කළ ඝාතනයක් බවට පශ්චාත් මරණ පරීක්ෂණයේදී අනාවරණය වී යැයි බොරැල්ල පොලිසිය සඳහන් කළා.
කොළඹ අංක 2 දෙක අධිකරණයේ වැඩබලන මහේස්ත්රාත් සම්පත් ජයවර්ධන මහතාගේ නියෝග මත ජ්යෙෂ්ඨ අධිකරණ වෛද්ය නිලධාරී රූල් හක් මහතා විසින් පශ්චාත් මරණ පරීක්ෂණය පවත්වා තිබෙනවා.
රටම කැළඹු ජනශක්ති සභාපති ඝාතනය: සහෝදරයෙකුගෙන් ට්විටර් පණිවිඩයක්
රටම කැළඹු ජනශක්ති සභාපති ඝාතනය පිටුපස ක්රිකට් වලට සම්බන්ධ අයෙකුත්
රටම කැළඹු ජනශක්ති සභාපති ඝාතනය : සැමියා ගැන පළමු හෝඩුවාව බිරිඳගෙන්
ජනශක්ති සභාපති ඝාතනය : බොරැල්ල කනත්තේ කම්කරුවෙකු සියසින් දුටු දේ පාපොච්චාරණය කරයි
2024 සැප්තැම්බර් 08, පෙ.ව. 12:09
2024 සැප්තැම්බර් 08, පෙ.ව. 12:04
2024 සැප්තැම්බර් 08, පෙ.ව. 12:03
2024 සැප්තැම්බර් 08, පෙ.ව. 12:02
2024 සැප්තැම්බර් 08, පෙ.ව. 12:02
08-09-24
08-09-24
08-09-24
08-09-24
08-09-24
08-09-24
08-09-24
08-09-24
08-09-24
08-09-24
08-09-24
08-09-24
08-09-24
08-09-24
07-09-24
07-09-24
07-09-24
07-09-24
07-09-24
07-09-24
07-09-24
07-09-24
07-09-24
07-09-24