2022 අගෝස්‍තු 02, පෙ.ව. 9:11
නිවසට යමින් සිටි තරුණයෙකු හැටන් පැන්මුර් ජලාශයට වැටී ඊයේ (01) දින රාත්‍රියේ අතුරුදහන් වි ඇති බව හැටන් පොලිසියේ මුලස්ථාන ප්‍රධාන පොලිස් පරික්ෂක රංජිත් ජයසේන මහතා ඒෂියන් මිරර් වෙත පවසා සිටියා.
මෙසේ ජලාශයට වැටී අතුරුදහන් වි ඇත්තේ හැටන් ඇබොස්ලි වතුයායේ මොන්ටිෆෙයාර් කොටසේ පදිංචි මයිකල් භවන් නැමති 22 හැවිරිදි තරුණයෙක්.
අතුරුදහන් වී ඇති තරුණයා ඔහුගේ මිතුරන් දෙදෙනෙකු සමග හැටන් නගරයට පැමිණ ආපසු නිවස කරා යන අතරතුර ඇබොස්ලි වතුයායට පිවිසෙන ප්‍රධාන මාර්ගයේ ආසන්නයේම පිහිටි පැන්මුර් ජලාශයට වැටී අතුරුදහන් වී ඇති බවයි මුලස්ථාන ප්‍රධාන පොලිස් පරික්ෂකවරයා කියා සිටියේ.
අතුරුදහන් වී ඇති තරුණයා සමග නිවසට යමින් සිටි අනෙකුත් තරුණයන් දෙදෙනා ප්‍රශ්න කිරිම සදහා සැකපිට අත්අඩංගුවට ගත් බවත්, අතුරුදහන් වී ඇති තරුණයාගේ සිරුර සොයා ගැනීමට නාවික හමුදාවේ කිමිදුම්කරුවන්ගේ සහයෝගය ඉල්ලා ඇති බවයි මුලස්ථාන ප්‍රධාන පොලිස් පරික්ෂකවරයා කියා සිටියේ.
හැටන් – රංජිත් රාජපක්ෂ
2023 දෙසැම්බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19