2022 දෙසැම්‍බර් 23, ප.ව. 5:06
යාපනය අලියවලෙයි මුහුදු තීරයට සහ මාදගල් මුහුදු තීරයන්ට ඊයේ (22) දින මළසිරුරු දෙකක් ගොඩගසා තිබුණු බවට පොලීසිය පවසනවා.
මාදගල් මුහුදු තීරයට ගොඩගසා තිබූ මළ සිරුර පසුගිය 20 වනදාමසුන් ඇල්ලීමට මුහුදු ගොස් අතුරුදහන් වූ පලාලි අන්රනිපුරම් ප්‍රදේශයේ පදිංචි 54 හැවිරිදි සිව්දරු පියෙකුගේ බවට අනාවරනය වී තිබෙනවා.
අදාල ධීවරයා මසුන් අල්ලීමට ගොස් සිටියදී මුහුද රලු වීම හේතුවෙන් බොට්ටුවෙන් වැටී දියේ ගිලීමෙන් මෙම අනතුර සිදුව ඇතැයි පරික්ෂණ සිදුකරන ඉලවාලෙයි පොලීසිය සැක පල කර සිටිනවා.
මෙ අතර වඩමාරච්චි අලියවලෙයි මුහුදු තීරයට නරක් වූ මළ සිරුරක් ඊයේ (22) දින ගොඩගසා තිබියදී ප්‍රදේශවාසීන් දැක ඒ පිළිබඳව මරදංකේනි පොලීසියට දැනුම් දී තිබුණා.
පොලීසිය අලියවලෙයි මුහුදු තීරයට පැමිණ පරික්ෂා කිරීමේදී අදාල මළ සිරුර මීට සතියකට අධික කාලය පැරණි බවටත් මළ සිරුර දැඩි සෙයින් නරක් වී තිබුණු බැවින් හඳුනාගැනීමට අපහසු බවටද සිරුර වැඩිදුර පරික්ෂණ කටයුතු සඳහා යාපනය ශික්ෂණ රෝහලට රැගෙන ගිය බවටද මරදන්කේනි පොලීසිය වැඩිදුරටත් පැවසුවා.
2023 දෙසැම්‍බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19