2022 අගෝස්‍තු 15, ප.ව. 5:01
නිවසින් අතුරුදහන්ව සිටි තරුණයෙකුගේ සිරුර නුවරඑලිය ග්‍රෙගරි වැවට ජලය ගලා බසිනා තලගලඔයේ තිබි අද (15) හමු වූ බව නුවරඑලිය පොලිසිය පැවසුවා.
මෙසේ තලගලඔයේ තිබි හමු වි ඇත්තේ නුවරඑලිය බඹරකැලේ වතුයායේ පදිංචිව සිටි සුන්දරලිංගම් ශෂිදරන් නම් 22 හැවිරිදි තරුණයාගේ සිරුරයි.
නුවරඑලිය තුරග තරග පිටිය හරහා ග්‍රෙගරි වැවට ජලය ගලා බසින තලගල ඔයේ තිබි මෙම මල සිරුර අද (15) උදෑසන ක්‍රිඩා අමාත්‍යංශයට අයත් නිවාඩු නිකේතනයේ සේවකයෙකු විසින් දැක ඒ බව නුවරඑලිය පොලිසියට දැනුම් දි තිබෙනවා.
තරුණයා අතුරුදහන් වි ඇති බවට මියගිය තරුණයාගේ ඥාතින් විසින් නුවරඑලිය පොලිසියට ඉකුත් 06 දින පැමිණිලි කර ඇති අතර, එම ඥාතින් විසින් අද (15) දින තලගලඔයේ තිබු මල සිරුර අතුරුදහන්ව සිටි තරුණයාගේ සිරුර බවට හදුනාගෙන තිබෙනවා .
මියගිය තරුණයා නුවරඑලිය බඹරකැලේ ප්‍රදේශයේ පිහිටි ළමා ගම්මානය අසලින් මාර්ගයේ බිමත්ව නිවසට ගමන් කරන ආකාරය එම ළමා ගම්මානයේ ආරක්ෂිත කැමරාවේ සටහන් වි තිබෙනවා.
තලගලඔයේ තිබි හමු වු මියගිය තරුණයාගේ සිරුර නුවරඑලිය මහෙස්ත්‍රාත්වරයාගේ ස්ථාන පරික්ෂාවෙන් අනතුරුව නුවරඑලිය දිස්ත්‍රික් මහ රෝහලේ විශේෂඥ අධිකරණ වෛද්‍යවරයා වෙත යොමු කරන බව සිද්ධිය සම්බන්ධයෙන් පරික්ෂණ පවත්වන නුවරඑලිය පොලිසිය පැවසුවා.
හැටන් – රංජිත් රාජපක්ෂ
2023 දෙසැම්බර් 07, ප.ව. 2:45
2023 ඔක්තෝබර් 17, පෙ.ව. 10:33
2023 ඔක්තෝබර් 08, ප.ව. 8:45
2023 සැප්තැම්බර් 18, ප.ව. 8:56
2023 සැප්තැම්බර් 17, ප.ව. 8:19