ඇමරිකානුවන්ට එරෙහි ප්‍රහාර අඩු කරනවා – කටයිබ් හිස්බුල්ලා සංවිධානය​

2023 නොවැම්‍බර් 26, පෙ.ව. 10:31

---

---

ගාසා තීරයේ ක්‍රියාත්මක ඊශ්‍රායල – හමාස් සටන් විරාමය පවතින තෙක් ඇමරිකානු හමුදා ඉලක්ක වෙත කෙරෙන ප්‍රහාර අඩු කරන බව ඉරාකයේ කටයිබ් හිස්බුල්ලා සංවිධානය පවසනවා.

එහි මහලේකම් අබු හුසේන් අල්-හමිදාවි කියා සිටියේ මෙසේ ප්‍රහාර අවම කළ ද ඉරාකයේ සිටින ඇමරිකානු හමුදා ඉවත් කරගන්නා තෙක් තම ප්‍රහාර නැවැත්වීමේ අදහසක් නොමැති බවයි.

ඇමරිකානුවන්ගෙන් රට සම්පූර්ණයෙන් මුදාගැනීම සඳහා එක්වන ලෙස අල්-හමිදාවි ඉරාක ජනතාවගෙන් ඉල්ලා සිටියා.

ගාසා තීරයේ සටන් ආරම්භ වූ පසු ඉරාකයේ ඇමරිකානු හමුදා රැඳී සිටින කඳවුරු වෙත ඩ්‍රෝන සහ රොකට් ප්‍රහාර නිතර එල්ල වෙමින් තිබෙනවා.

---