අලුත්කඩේ ඝාතනයෙන් මන්ත‍්‍රී බියවෙයි – පොලිස් ආරක්‍ෂාව ඉල්ලා අර්චුනා පාර්ලිමේන්තුවට දැනුම්දෙයි

2025 පෙබරවාරි 20, ප.ව. 3:27

---

---

අලුත්කඩේ අධිකරණ සංකීර්ණයේ සිදු වූ වෙඩි තැබීමේ සිද්ධියෙන් පසුල යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්චුනා අවම වශයෙන් පාර්ලිමේන්තු සැසිවාරවලදී තමාට ආරක්ෂාව ලබා දෙන ලෙස ඉල්ලා සිටියා.

එමෙන්ම පසුගිය දිනවල යාපනයේ පුද්ගලයින් කිහිප දෙනෙකු විසින් තමාට තර්ජනය කරන ලද බව මන්ත්‍රීවරයා පාර්ලිමේන්තුව තුලදී ප්‍රකාශ කළා.

“පාර්ලිමේන්තු සැසිවාරවලින් පසු අපි නැවත යාපනයට යාමට සැලසුම් කරනවා. අපේ රටේ මෙම කාරණය වඩාත් වැදගත් වී ඇති බැවින් අවම වශයෙන් මහජන සැසිවාරවලදීවත් අපට ආරක්ෂාව සපයන ලෙස මම මහජන ආරක්ෂක අමාත්‍යවරයාගෙන් ඉල්ලා සිටීමට කැමතියි.”

එහිදී නියෝජ්‍ය කථානායකවරයා පැවසුවේ මෙම කාරණය කථානායකවරයා වෙත යොමු කරන බවයි.

---