දහම් පාසල් අවසාන විභාගයට අයදුම් කරන හැටි ගැන දැනුම්දීමක්

2023 නොවැම්‍බර් 11, පෙ.ව. 12:20

---

---

2023 බෞද්ධ, කතෝලික හා ඉස්ලාම් දහම් පාසල් අවසාන සහතික පත්‍ර විභාගය සඳහා අන්තර්ජාලය ඔස්සේ (මාර්ගගතව) අයදුම්පත් කැඳවා තිබෙනවා.

නිවේදනයක් නිකුත් කරමින් විභාග දෙපාර්තමේන්තුව පවසන්නේ විභාග සම්බන්ධයෙන් වන නිවේදන අදාළ ආගමික කටයුතු දෙපාර්තමේන්තුව මගින් නොවැම්බර් 3, 10 සහ 17 යන දිනවල ගැසට් පත්‍රයේ පළ කරන බවයි.

මාර්ගගත අයදුම්පත් භාරගැනීම අද සිට නොවැම්බර් 20 වැනිදා දක්වා බෞද්ධ හා කතෝලික දහම් පාසල් සඳහාද නොවැම්බර් 17 වැනිදා සිට නොවැම්බර් මස 27 වැනිදා දක්වා හින්දු හා ඉස්ලාම් දහම් පාසල් සඳහා ද සිදුකිරීමට සැලසුම් කර ඇති බව එහි දැක්වෙනවා.

මාර්ගගත අයදුම්පත් ඉදිරිපත් කිරීම සඳහා අවශ්‍ය පරිශීලක නාම හා මුරපද ලියාපදිංචි දහම් පාසල් ප්‍රධානීන් වෙත මේ වනවිට තැපැල් කර යවා ඇතැයි ද විභාග දෙපාර්තමේන්තුව නිකුත් කළ නිවේදනයේ සඳහන්.

---