වාහන තියෙන ජනතාවට විශේෂ නිවේදනයක්

2025 දෙසැම්‍බර් 07, පෙ.ව. 12:19

---

---

දිට්වා සුළි කුණාටුවෙන් ජලයෙන් යට වූ හෝ ගසාගෙන ගිය වාහන සම්පූර්ණ පරීක්ෂාවකින් තොරව භාවිතා නොකළ යුතු බව රථවාහන ඉංජිනේරු නුවන් මදනායක පැවසීය.

ජලයේ ගිලී ඇති වාහන ධාවනය නොකර තාක්ෂණික පහසුකමට ගෙන ගොස් පළමුව පිරිසිදු කළ යුතුය. තිරිංග, බල සුක්කානම, ගියර් ඔයිල්, එන්ජින් ඔයිල් ඇතුළු සියලුම වර්ගවල තෙල් ඉවත් කළ යුතුය.

ඒවා සුදු පැහැයට හැරී ඇත්නම්, එන්ජිම සම්පූර්ණයෙන්ම පරීක්ෂා කළ යුතුය. දින 2-3 ක් පමණ සම්පූර්ණයෙන්ම ජලයෙන් යට වී ඇති වාහනවල එන්ජින් සහ ගියර් පෙට්ටි සාමාන්‍ය තත්ත්වයට පත් කළ හැකි නමුත් ඒවායේ විදුලි පද්ධති කිසිසේත් භාවිතා නොකළ යුතු බව ද ඔහු පෙන්වා දුන්නේය.

තාවකාලිකව ප්‍රතිසංස්කරණය කළද, එය අනාගතයේදී විඛාදනයට ලක් වී විශාල හානියක් සිදු කළ හැකිය.

එබැවින් රක්ෂණ සමාගම් විසින් වාහනය අක්‍රිය කළ යුතුය, නැතහොත් තෙවන පාර්ශවීය රක්ෂණයක් තිබේ නම්, විදුලි පරිපථ සම්පූර්ණයෙන්ම නැවත ගොඩනඟා ගත යුතුය. වාහනයේ අත්හිටුවීමේ පද්ධතිවලට සම්බන්ධ ග්‍රීස් සම්පූර්ණයෙන්ම ඉවත් කර නව ඒවා යෙදිය යුතුය.

ඒවායේ රබර් කොටස් නැවත සවි කළ යුතු බව ඔහු අවධාරණය කළේය.

---