”පලාලි හරහා පාරවල් ඇරපුවා මට අනුමත කරන්න බැහැ”

2025 මැයි 19, ප.ව. 3:25

මේ වන විට උතුරු නැගෙනහිර ආරක්ෂක වැඩපිළිවෙළෙහි අඩුපාඩු ගණනාවක් ඇතැයි ෆීල්ඩ් මාර්ෂල් සරත් ෆොන්සේකා පවසයි.

විශේෂිත වූ ස්ථානවල කඳවුරු වැසීම, යාපනය පලාලි අධි ආරක්ෂිත කඳවුර හරහා පාරවල් විවෘත කිරීම නිල ඇඳුම හැඳ සිටි අයකු ලෙස අනුමත කළ නොහැකි බව ද ඔහු සඳහන් කරයි.

හමුදාව කඳවුරුවලට සීමා කිරීම අනතුරුදායක බවත් කැනඩාව වැනි රටවල සිටින ඩයස්පෝරාවට මරාගෙන මැරෙන ත්‍රස්තවාදීන් දහ දෙනෙකු යාපනයේ බිහි කිරීමට හැකියාවක් නැතැයි සිතිය යුතු නැති බවත් සරත් ෆොන්සේකා අවධාරණය කරයි.

සහරාන්ලා මෙන් එම ත්‍රස්තවාදීන් ප්‍රහාරයක් දියත් කළහොත් නැවත සිය ගණනක් කඳවුරු ඇති කිරීමට සිදුවිය හැකි බවත් එවැනි තත්ත්වයක් ඇති නොවීමට වග බලාගත යුතු බවත් හෙතෙම පෙන්වා දෙයි.

ඔහු මෙම අදහස් පළ කළේ දෙරණ නාලිකාවේ ජාතික රණවිරු දිනයට සමගාමිව පවතී විශේෂ වැඩසටහනකට එක්වෙමින්.