පාසල් සිසුවියන්ගේ සනීපාරක්ෂක තුවා ගැන රජයෙන් විශේෂ නිවේදනයක්

2025 ජූලි 04, පෙ.ව. 12:06

අධ්‍යාපන අමාත්‍යංශය මඟින් රජ‍යෙන් ක්‍රියාත්මක කරන, පාසල් සිසුවියන් වෙත සනීපාරක්ෂක තුවා ලබාදීමේ වැඩසටහනට අදාළව මාධ්‍ය නිවේදනයක් නිකුත්කර ඇති බව වාර්තා වේ.

ඒ අනුව එම නිවේදනයේ සඳහන් වූයේ,

“පාසල් සිසුවියන් සඳහා සනීපාරක්ෂක තුවා ලබාදීම – 2025 වැඩසටහන මෙම වසරේ දී ක්‍රියාත්මක කරනු ලබන්නේ පාසල වෙත පැමිණෙන ශ්‍රී ලංකා ප්‍රමිති ආයතනයේ ලියාපදිංචි වී ඇති SLS – 1732/2022 සහතිකය ලද වෙළඳ ආයතන 4ක් මඟින් පමණයි. එම ආයතන පාසල් වෙතම පැමිණ සිසුවියන්ට සනීපාරක්ෂක තුවා පැකට් ලබා දෙන බැවින්, එම ආයතන හැර වෙනත් කිසිදු ආයතනයකින් සනීපාරක්ෂක තුවා මිළදී ගත නොහැක.”