උණ හෙම්බිරිසාව ඇති දරුවන් පාසල් නොයවන්නැයි දන්වයි

2025 ජූනි 15, පෙ.ව. 12:21

---

---

ඩෙංගු, චිකන් ගුන්යා සහ ඉන්ෆ්ලූවන්සා වැනි ව්‍යාප්ත වෛරස් ව්‍යාප්තිය නිසා උණ සහ කැස්සෙන් පෙළෙන දරුවන් පාසල් සහ පෙර පාසල් යැවීමෙන් වළකින ලෙස මව්පියන්ගෙන් ඉල්ලා සිටින බව කොළඹ රිජ්වේ ආර්යා ළමා රෝහලේ ළමා රෝග විශේෂඥ වෛද්‍ය දීපාල් පෙරේරා මහතා පවසයි.

ඔහු සදහන් කළේ, මෙම රෝග ඇති දරුවන් පාසලට යැවීමෙන් ඔවුන්ට ශාරීරිකව අධිකව ක්‍රියාත්මක වීම හරහා හෘදයාබාධයන්ට පවා ලක්විය හැකි අතර, මයෝකාඩයිටිස් (myocarditis) වැනි තත්ත්වයකට පත් වීමෙන් ජීවිතයටත් අධික අවදානමක් ඇතිවිය හැකි බවය.

තවද, ඩෙංගු හෝ චිකන්ගුන්යා ආසාදනයක් ඇති බවට සැකයක් පවතින අවස්ථාවලදී දරුවන්ට මදුරු දැල භාවිතා කිරීමෙන් මෙම රෝග ව්‍යාප්තිය වළක්වාගත හැකි බවද වෛද්‍යවරයා පැවසීය.

මෙම ව්‍යාධීන්ට ලක්වූ දරුවන්ට ස්වභාවික දියර ආහාර ලබාදීම ඉතා වැදගත් වන අතර, රතු සහ කළු පැහැති ආහාරවලින් වළකින්නැයිද මව්පියන්ගෙන් ඉල්ලා සිටින බව වෛද්‍ය දීපාල් පෙරේරා මහතා පැවසූවේය.

පාචන ගැටළු ඇති දරුවන්ට කෙසෙල්, බෙදී හාල් කැඳ, ලුණු කැඳ වැනි ආහාර ලබාදිය යුතු බවත් ඔහු පැවසීය.

තෙල් සහිත ආහාර, බටර්, චීස් වැනි දේවල් පාචන රෝගී දරුවන්ට නොදිය යුතු බවද අවධාරණය කළේය.

වෛද්‍යවරයා වැඩිදුරටත් දක්වා ඇත්තේ, මෙම වෛරස් ආසාදනවලදී දරුවන්ට විවේකය ලබාදීමත්, වෙහෙස නොවීමත් මත ජීවිතයට වැලඳිය හැකි සංකූලතා වලක්වනු ඇති බවය.

---