“මුන් මහා කසඩ මාධ්‍ය” – පෞද්ගලික නාලිකාවකට සැරටම අමතපු සුදා (VIDEO)

2025 අප්‍රේල් 07, ප.ව. 6:39

---

---

තමා ‘සිරි දළදා දැක්ම’ ධාතු ප්‍රදර්ශනය ඉලක්ක කර ගනිමින් මුදල් එකතු කර ගැනීමක් සිදු නොකළ බවත්, එයට වැසිකිළි පහසුකම් සැපයීමේ වැඩසටහනක් ක්‍රියාත්මක කිරීම United Global Sri Lankan Organization සංගමය විසින් කරගෙන යනු ලැබූ සත්කාරයක් බවත් සමාජ මාධ්‍ය ක්‍රියාකාරී සුදත්ත තිලක්සිරි මහතා පවසනවා.

මෙම චෝදනා සම්බන්ධව පැමිණිලි කිරීමට අද (07) CID යට පැමිණි අවස්ථාවේ මාධ්‍ය වෙත අදහස් දක්වමින් ඔහු මේ බව සඳහන් කළා.

එහිදී ඔහු වැඩිදුරටත් කියා සිටියේ,

” මගෙන් ව්මසුවේ නෑ. ඒක පාර්ශ්වික විදිහට මේ මාධ්‍යට මුදා හැරියේ ‘සුදා පල් හොරෙක්’ කියලා. එතකොට දිගටම මේකට මට විරුද්ධව තනි පුද්ගලයෙක්ව එල්ල කරගෙන මඩ ප්‍රහාරය යනවා. United Global Sri Lankan Organization කියන්නේ සංගමයක්. දළඳා වහන්සේ ඉලක්ක කරගෙන අපි මුදල් එකතු කරන්න ගියේ නෑ. මේක අපේ සංගමය විසින් කරන්නා ගිය සත්කාරයක්. ටොයිලට් 50ක් 144,000කට වැසිකිළි පහසුමක් හදලා දෙන්න තමයි අපේ උත්සහය තිබ්බේ. මේක තනි නිර්මාණයක් නෙවෙයි මේක ඒ කමිටුත් එක්ක නුවර ප්‍රදේශයේ භාර දිසාපතිවරයා, ප්‍රදේශය භාර ජේෂ්ඨ නියෝජ්‍ය පොලිස්පතිවරයා, මාළිගාවේ නියෝජිතයෙක්, නගර සභාවේ ඉංජිනේරුවරු ඒ ඔක්කොම මහත්වරු ඇවිල්ලා නියෝජිතයෝ ගිහිල්ලා සාකච්ඡා කරලා ඒ සඳහා නිර්මාණය වූවක් මිස මේ සුදත්ත තිලකසිරිගේ තනි නිර්මාණයක්, තනි වැඩක් නෙවෙයි…

මේකේ එකම පුද්ගලයා සුදත්ත තිලකසිරි විතරක් අරගෙන හැම කැබිනට් මාධ්‍ය ප්‍රකාශ දැනුම්දීමේ මාධ්‍ය සාකච්ඡාවේදී එක එක පුද්ගලයෝ ප්ලාන්ට් කරනවා “සුදාට විරුද්ධව ගහපං සුදාට විරුද්ධව ගහපං, ඇයි මේ ගැන අපරාධ පරීක්ෂණ දෙපාර්තමේන්තුව බලන්නේ නැත්තේ” කියලා…

එදා ඒ CID එකට ඉරාජ් කියන පුද්ගලයව ගෙන්නුවේ කලින් මට මඩ ගහපු එකකට කට උත්තර ගන්න. හැබැයි ඔහු මාධ්‍යට කිව්වේ මේ සුදා හොරකම් කරලා තියෙන වංචාව සම්බන්ධයෙන් කටයුතු කරන්න කියලා විතරයි. සුදා කියන පුද්ගලයට සත පහක්වත් කාගෙන්වත් ගන්න වුවමනාවක් නෑ. මට රටේ ලෝකේ මිනිස්සු ඉන්නවා හෙට කිව්වොත් ලක්ෂ 50ක් ඕනේ කියලා මිනිස්සු ස්වෙච්ඡාවෙන් මට දෙනවා. ඒ නිසා මම එහෙම හිඟන්නෙක් නෙවෙයි.”

---