2025 දෙසැම්‍බර් 01, පෙ.ව. 12:06
රුධිර හිඟයක් මතුව ඇති බැවින් රුධිරය පරිත්‍යාග කළ හැකි සැවොම පහත සදහන් ස්ථානයන් වෙත පැමිණ රුධිර පරිත්‍යාගය ලබාදෙන මෙන් ජාතික රුධිර පාරවිලයන මධ්‍යස්ථානයේ අධ්‍යක්ෂ වෛද්‍ය ලක්ෂ්මන් එදිරිසිංහ මහතා ජනතාවගෙන් විශේෂ ඉල්ලිමක් කළේය.
යාපනය, අනුරාධපුර, කුරුණෑගල, රාගම, කඹුරුගමුව, කරාපිටිය, හම්බන්තොට,මහ රෝහල් සහ මහරගම අපේක්ෂා රෝහලද ඇතුළුව ජාතික රුධිර මධ්‍යස්ථානය නාරාහේන්පිට, යන ස්ථානයන් වෙත පැමිණ රුධිර පරිත්‍යාගයන් ලබා දිය හැකි බව අධ්‍යක්ෂවරයා පවසයි.
උදේ 8.00 – 4.00 දක්වා මෙම මධ්‍යස්ථානයන් විවෘතව තැබෙන අතර නාරාහේන්පිට ප්‍රධාන රුධිර පාරවිලයන මධ්‍යස්ථානය පමණක් උදෑසන 8.00 – සවස 6.30 දක්වා කාලය ඇතුළත විවෘතව තබන බව සඳහන්වේ.
දැනට පවතින අයපහත් කාලගුණික තතත්වය හේතුවෙන් රටේ ප්‍රධාන රුධිර මධ්‍යස්ථාන වලට රුධිරය සපයා ගැනිම සදහා ජංගම සායන සංවිධානය කරන සංවිධායකවරුන්ට ජංගම රුධිර කදවුරු සංවිධානය කිරීමේ /ගැටලු අපහසුතා මතුව තිබෙන බැවින් හා බොහෝ ස්ථානයන් වෙත ළගාවීමේ අපහසුතා මතුව ඇතැයි හෙතෙම පවසයි.
ජාතික රුධිර පාරවිලයන සේවා පද්ධතිය පවත්වාගෙන යාම සඳහා දවසකට රුධිර ඒකක 1400 -1500 අතර ප්‍රමාණයක් අවශ්‍යය වන අතර එයින් සියට 85ට වැඩි ප්‍රමාණයක් ලැබෙනුයේ ජංගම රුධිර කඳවුරුවලින් යැයිද වෛද්‍ය එදිරිසිංහ පෙන්වා දෙයි.
2025 දෙසැම්‍බර් 01, පෙ.ව. 12:15
2025 දෙසැම්‍බර් 01, පෙ.ව. 12:13
2025 දෙසැම්‍බර් 01, පෙ.ව. 12:12
2025 දෙසැම්‍බර් 01, පෙ.ව. 12:11
2025 දෙසැම්‍බර් 01, පෙ.ව. 12:04
