“9 වැනිදා දුෂ්ට පාලකයින්ට අවාසනාවන්ත දිනයක්” – හරිනිගෙන් සැර කතාවක්

2023 ජනවාරි 24, ප.ව. 4:21

---

---

පළාත් පාලන මැතිවරණය පැවැත්වීම සඳහා මැතිවරණ කොමිසම විසින් තෝරාගෙන ඇත්තේ ඓතිහාසික දිනයක් බව ජාතික ජන බලවේගයේ පාර්ලිමේන්තු මන්ත්‍රීනී හරිනි අමරසූරිය මහත්මිය පවසනවා.

පාර්ලිමේන්තු මන්ත්‍රීනී හරිනි අමරසූරිය මහත්මිය මේ බව පැවසුවේ වාරියපොලදී පැවති ජාතික ජන බලවේගයේ සමුළුවක් අමතමින්.

එහිදී ඇය මෙසේ ද අදහස් දක්වා සිටියා,

“අවුරුදු 75ක් තිස්සේ මේ රට අර්බුද කරා ගෙනගිය ඒ දුෂ්ට පාලනය, ඉතාම දූෂිත පාලනය අවසන් කරන්න අපට අවස්ථාවක් ඇවිල්ලා තියෙනවා. පළාත් පාලන මැතිවරණයට තෝරාගත්ත දිනයත් ඓතිහාසිකයි. 9 වෙනිදාවක්. 9 වෙනිදා කියන්නෙ මේ දුෂ්ට පාලකයින්ට ඉතාමත්ම අසුබ, අවාසනාවන්ත දිනයක්. නමුත් 9 වෙනිදා කියන්නෙ මේ රටේ පුරවැසියන්ට, මේ රටේ ජනතාවට අතිශයින්ම වාසනාවන්ත දවසක්. මාර්තු 9 කියන්නේ ජනතාවාදී, තමන් තෝරාගත්ත පාලනයක් පිහිටුවීමේ ගමනේ පළමුවෙනි අඩිය තියන දවස”

---