අධි මාත්‍රාවක් ශරීරගත වී මියගිය සරසවි සිසුවිගේ මරණය ගැන තවත් තොරතුරු

2023 මාර්තු 03, පෙ.ව. 5:24

---

---

පේරාදෙණිය විශ්වවිද්‍යාලයේ ඉංජිනේරු පීඨයේ අවසන් වසරේ ඉගෙනුම ලබමින් සිටි සිසුවියක විශ්වවිද්‍යාලයේ මළලසේකර නේවාසිකාගාරය සිහිසුන් ගතියකින් සිටිය දී පේරාදෙණිය රෝහලට ඇතුළත් කිරීමෙන් අනතුරව මරණයට පත්ව තිබුණා.

එසේ මියගොස් ඇත්තේ රිදීගම ප්‍රදේශයේ පදිංචිව සිටි 26 හැවිරිදි අබේවර්ධන මුදලිගේ දොන් විද්‍යානි මදුමාලිකා ද සිල්වා නැමැති සිසුවියක්.

ඇය කුරුණෑගල මලියදේව බාලිකා විදුහලේ ආදි සිසුවියක්.

ඇය කලක සිට මානසික ආතතියකින් පෙළී ඇති අතර ඒ සඳහා ප්‍රතිකාර ලබමින් සිට ඇත බවද පැවැසෙනවා.

සිහිසුන්ව සිටි සිසුවිට පේරාදෙණිය ශික්ෂණ රෝහලට ඇතුළත් කිරීමෙන් අනතුරුව සිහිය ලැබීමෙන් පසුව මානසික ආතතිය සඳහා ලබාදුන් ඖෂධ මාත්‍රාව ප්‍රමාණය ඉක්මවා ගත් බව පවසා ඇති බවද කියයි.

නැවත අසාධ්‍ය තත්ත්වයට පත් ඇය රෝහලේ දැඩි සත්කාර ඒකකයට ඇතුළත් කිරීමෙන් අනතුරව මරණයට පත්ව තිබෙනවා.

ඇය මරණයට පත්ව ඇත්තේ රෝගී තත්ත්වය සඳහා ගන්නා ලද ඖෂධ මාත්‍රාව වැරදීමකින් ප්‍රමාණය ඉක්මවා ගත් නිසාද නැත්නම් සියදිවි හානිකර ගැනීමට සඳහා සිතාමතාම ගත් නිසාද යන්න සෙයා බැලීම සඳහා පොලිස් පරීක්ෂණ සිදුකෙරන බව පේරාදෙණිය ශික්ෂණ රෝහලේ වෛද්‍ය ප්‍රකාශයෙක් පැවසුවා.

පේරාදෙණිය පොලිස් ස්ථානාධිපති ප්‍රධාන පොලිස් පරික්ෂක විජිත විජේකෝන් මහතාගේ අධීක්ෂණය මත සිද්ධිය පිළිඳව පොලිස් පරික්ෂණ පේරාදෙණිය පොලිසිය විසින් සිදු කරනු ලබනවා.

---