“අංකල් දන්නවද? ගඟක් එකම තැනකින් දෙපාරක් ගලන්නේ නෑ… ආයේ මගේ ජීවිතේට මේ අවස්ථාව එන්නේ නෑ. ඒ නිසා මම උත්තර දෙනවා..”ජීවිතය මෙතරම් ගැඹුරින් දකින නොසැලෙන පෞරුෂයකින් හෙබි ඇය ගැන ඔහු කී පුදුම හිතෙන කතාව මෙන්න..

2026 මැයි 04, පෙ.ව. 12:10

---

---

මිලියන 7.5ක ජයග්‍රහණයටත් වඩා හබිෂායිනී මුළු රටේම හදවත් දිනූ ඒ අසිරිමත් මොහොත

ශ්‍රී ලාංකීය ප්‍රශ්න විචාරාත්මක ඉතිහාසයේ නව පිටුවක් පෙරළමින්, ස්වර්ණවාහිනියේ “ජීවිතයට කෝටියක් ” වැඩ සටහනේදී රුපියල් ලක්ෂ 75ක (මිලියන 7.5) ඓතිහාසික ජයග්‍රහණයක් වාර්තා කිරීමට හබිෂායිනී දියණිය සමත් විය.

ඇය දිනාගත් දැවැන්ත මුදලටත් වඩා, තරගයේ අතිශය තීරණාත්මක මොහොතක ප්‍රවීණ නිවේදක චන්දන සූරීය බණ්ඩාර මහතා ඉදිරියේ ඇය දැක්වූ අකම්පිත පෞරුෂය කාගේත් ගෞරවයට පාත්‍ර විය.

” ගඟක් එකම තැනකින් දෙපාරක් ගලන්නේ නැහැ’ යනුවෙන් ඇය ප්‍රකාශ කරමින් ගත් ඒ නිර්භීතතීරණය, ඇය සතු දාර්ශනික චින්තනය සහ ස්වයං විශ්වාසය ලොවටම මනාව විදහා පෑවේය.

පොතපතේ දැනුමට එහා ගිය ජීවන පරිණතභාවයක් පෙන්නුම් කළ හබිෂායිනීගේ මෙම ජයග්‍රහණය, අභියෝග හමුවේ නොසැලී සිටීමට වර්තමාන පරපුරට ලබා දෙන අගනා ආදර්ශයකි.

තම අරමුණ වෙනුවෙන් නොබියව පෙනී සිටිමින් ඇය කළ එම විප්ලවීය මැදිහත්වීම, හුදෙක් මුදල් දිනා ගැනීමට වඩා ජීවිතය ජය ගැනීම යනු කුමක්දැයි මුළු රටටම කියා දුන් සංවේදී මොහොතක් විය.

---