2022 ජූලි 01, ප.ව. 12:34
ඉන්ධන හිඟය සහ විදුලිය කප්පාදුව ඇතුළු ප්‍රශ්න හේතුවෙන් සුළු හා මධ්‍ය පරිමාණ ඇඟලුම් කම්හල් 200 ක් පමණ කඩාවැටීමේ බරපතල අවදානමක් මතුව තිබෙනවා.
මහා පරිමාණ ඇඟලුම් කම්හල් බොහොමයක් ඩොලර් ගෙවා සිපෙට්කෝ සහ අයි.ඕ.සී ඉන්ධන පිරවුම්හල්වලින් ඩීසල් ලබා ගත්තද සුළු හා මධ්‍ය පරිමාණ ඇඟලුම් කම්හල්වලට සාමාන්‍ය ඉන්ධන පිරවුම්හල්වලින් ඉන්ධන ලබාගැනීමේදී බරපතල දුෂ්කරතාවයන්ට මුහුණ දීමට සිදුවී තිබෙන බවයි වාර්තා වන්නේ.
බොහෝ අවස්ථාවලදී ඔවුන්ට ප්‍රමාණවත් පරිදි ඩීසල් නොලැබෙන තත්ත්වයක්ද පවතින බව වාර්තා වනවා.
මේ අතර ඇඟලුම් කම්හල්වල නිලධාරීන්ට සහ සේවකයන්ට සිය පෞද්ගලික වාහනවලින් පැමිණීමේ අවස්ථාව පෙට්‍රල් හිඟය නිසා බොහෝ දුරට අහිමිවීමෙන් ඇඟලුම් කම්හල්වල කාර්ය සාධනයට එය විශාල බලපෑමක් වී ඇතැයි එම කම්හල් හිමිකරුවන් පෙන්වා දෙනවා.
සිය සේවකයන් ප්‍රවාහනය සඳහා පෙට්‍රල් කෝටාවක් ලබාදෙන්නැයි සිපෙට්කෝ ආයතනයෙන් විශේෂ ඉල්ලීමක් දැනටමත් කර ඇති බවද ඔවුන් සඳහන් කරනවා.
එසේම විදුලිය කප්පාදුව නිසා විදුලි උත්පාදක යන්ත්‍ර ක්‍රියාත්මක කිරීමට සිදුවීමෙන් මහා පරිමාණ මධ්‍ය පරිමාණ සුළු පරිමාණ ඇඟලුම් කම්හල්වලට ඒ සඳහා අමතර පිරිවැයක් දැරීමට සිදුවී ඇති හෙයින් ඒ තත්වය එම ආයතනවල ආදායමට අහිතකර ලෙස බලපෑම් කර තිබෙනවා
2025 මාර්තු 13, ප.ව. 8:34
2025 මාර්තු 11, ප.ව. 2:56
2025 මාර්තු 11, ප.ව. 2:51
2025 මාර්තු 11, ප.ව. 2:47
2025 මාර්තු 10, ප.ව. 4:07