කොල්ලුපිටිය බස් අනතුරින් තුවාල ලැබූ තවත් තිදෙනෙක් ගැන ලැබුණ ආරංචිය

2023 ඔක්‍තෝබර් 08, ප.ව. 4:54

---

---

කොල්ලුපිටිය ප්‍රදේශයේ ගසක් බස් රථයක් මතට කඩා වැටීමෙන් සිදු වූ අනතුරින් තුවාල ලැබූ තවත් තිදෙනෙකු තවදුරටත් කොළඹ ජාතික රෝහලේ ප්‍රතිකාර ලබමින් සිටින බව පොලිසිය පවසනවා.

පසුගිය සිකුරාදා සිදු වූ මෙම අනතුරින් පුද්ගලයන් පස් දෙනෙකු ජීවිතක්ෂයට පත් වුණා.

කොල්ලුපිටිය, ඩුප්ලිකේෂන් පාරේ උදෑසන 6.05ට ගසක් කඩා වැටීමෙන් මෙම අනතුර සිදු වුණා.

ඉන් පුද්ගලයින් 8 දෙනෙකු තුවාල ලැබූ අතර මිය ගිය පුද්ගලයින් පස් දෙනාම රෝහලට රැගෙන එන අවස්ථාව වනවිටත් ජීවිතක්ෂයට පත්ව සිටි බව සඳහන්.

මෙම අනතුරින් මිය ගිය පුද්ගලයන්ගෙන් එක් අයෙකුට රුපියල් ලක්ෂ පහක වන්දියක් ලබා දෙන ලෙසටයි ජනාධිපතිවරයා නියෝගය කළේ.

---