අපේ පක්ෂයේ සැලුන් දොරක් නෑ.. තියෙන්නේ පෙනේරයක් – රංජන් රාමනායක

2024 ඔක්‍තෝබර් 23, පෙ.ව. 11:23

---

---

එක්සත් ප්‍රජාතන්ත්‍රවාදී හඬ පක්ෂ සැලුන් දොරවල් නොමැති බව එහි නායක, රංජන් රාමනායක මහතා පවසනවා.

ඒ අනුව සිය පක්ෂයට ඇත්තේ පෙනේරයක් පමණක් බවයි ඒ මහතා කියා සිටියේ.

මාතලේ ග්‍රෑන්ඩ් මවුන්ටන් හොටලයේ ජන හමුවක් අමතමින් ඒ මහතා මේ බව ප්‍රකාශ කළා.

සිය පක්ෂයට මෙවර විපක්ෂයක් පමණක් නිර්මාණය කළ හැකි බවයි ඒ මහතා පෙන්වා දුන්නේ.

පාර්ලිමේන්තු මැතිවරණය සඳහා තම පක්ෂයෙන් ඉදිරිපත්වීමට සැලසුම් කළ දූෂණයට, වංචාවට ගෑවුණු සියළුදෙනා අපේක්ෂකත්වයෙන් ඉවත් කිරීමට සිදුවූ බවයි රංජන් රාමනායක මහතා අවධාරණය කළේ.

ඒ අනුව තම පක්ෂය දිස්ත්‍රික් නවයකට පමණක් තරඟ කරන බවත්, මෙවර ආණ්ඩුවක් සෑදීමට බලාපොරොත්තු නොවුනද, විකල්ප පාලන ක්‍රමයක් සමග තම පක්ෂය ඊළග ආණ්ඩුව සෑදීමට සූදානම් බවත් ඔහු එහිදී වැඩිදුරටත් කියා සිටියා.

---