මේ පාසල් 16 වැනිදාත් පටන් ගන්නේ නෑ

2025 දෙසැම්‍බර් 05, පෙ.ව. 12:08

ප්‍රවාහන නියෝජ්‍ය අමාත්‍ය වෛද්‍ය ප්‍රසන්න ගුණසේන මහතා විසින් පැවති අයහපත් කාලගුණික තත්වත්වය හමුවේ සිදු වූ ආපදා හේතුවෙන් මධ්‍යම පළාතේ පාසල් 159 කට හානි සිදුව තිබෙන බව ප්‍රකාශ කරයි.

එසේම මධ්‍යම පළාතේ පාසල් 115 ක අවතැන් කඳවුරු පවත්වාගෙන යන බවද ප්‍රවාහන නියෝජජ්‍ය අමාත්‍යවරයා වැඩිදුරටත් අවධාරණය කර ඇත.

ඒ මහනුවරදී මාධ්‍යයට අදහස් දක්වමින්. මේ අතර හානියට පත්ව තිබෙන පාසල් බරපතළ හා අර්ධ හානි ලෙස වර්ගීකරණය කරගෙන යන බවත් අවතැන් කඳවුරු පවත්වාගෙන යනු ලබන පාසල් සහ හානි සිදු වූ පාසල් හැර සෙසු පාසල් එළඹෙන 16 වැනි දින ආරම්භ කිරීමට සැලසුම් කර ඇති බවද නියෝජ්‍ය අමාත්‍යවරයා වැඩිදුරටත් අවධාරණය කර ඇත.