2026 ජූනි 19, ප.ව. 3:25
ඇඹිලිපිටිය ප්රදේශයේ කෙසෙල් වගාකරුවන්ගේ ආර්ථිකය ඉහළ නැංවීමේ අරමුණින් කෙසෙල් කඳ භාවිතයෙන් නිමි ඇඳුම් නිෂ්පාදනය කිරීමේ නව කර්මාන්තශාලාවක් ආරම්භ කිරීමට කටයුතු යොදා ඇති බව කෘෂිකර්ම නියෝජ්ය අමාත්ය නාමල් කරුණාරත්න මහතා පැවසීය.
චීන රජයේ තාක්ෂණික සහාය ඇතිව ක්රියාත්මක වන මෙම ව්යාපෘතිය සඳහා ආයෝජකයින් දැනටමත් කැමැත්ත පළ කර ඇති අතර, ඒ පිළිබඳ විශේෂ සාකච්ඡාවක් පසුගියදා ඇඹිලිපිටිය දිස්ත්රික් ලේකම් කාර්යාලයේදී පවත්වා ඇත.
මෙම ව්යාපෘතියේ ඇති විශේෂත්වය වන්නේ කෙසෙල් කඳ කර්මාන්තශාලාවට ඇතුළු කළ පසු ඉන් නූල් නිපදවා, ඒවා වර්ණ ගන්වා (Batik) අවසානයේ සම්පූර්ණ නිමි ඇඳුමක් ලෙස පිටතට පැමිණීමේ නවීන තාක්ෂණික ක්රියාවලියයි.
මේ සම්බන්ධයෙන් වැඩිදුරටත් අදහස් දැක්වූ නියෝජ්ය අමාත්යවරයා සඳහන් කළේ, “කෙසෙල් කඳ මේ පැත්තෙන් දැමූ විට නූල් නිෂ්පාදනය වී, සායම් වී අන්තිමට නිමි ඇඳුමක් විදිහට එළියට එනවා. එමෙන්ම මෙහිදී ඉතිරිවන රොඩු කොටස් මගින් තවත් අතුරු නිෂ්පාදන රැසක් සිදු කිරීමට සැලසුම් කර තිබෙනවා” යනුවෙනි.
2026 සැප්තැම්බර් 10, ප.ව. 4:17
2026 සැප්තැම්බර් 10, ප.ව. 2:45
2026 සැප්තැම්බර් 10, ප.ව. 12:55
2026 සැප්තැම්බර් 10, පෙ.ව. 11:54
2026 සැප්තැම්බර් 10, පෙ.ව. 11:25