2026 සැප්තැම්බර් 10, ප.ව. 12:55
ආසියානු සංවර්ධන බැංකුවේ (ADB) ණය ආධාර යටතේ ක්රියාත්මක වන සංචාරක සංවර්ධන ව්යාපෘතියක් සඳහා අමාත්ය මණ්ඩලය විසින් අනුමත කරන ලද රුපියල් මිලියන 173.86ක උපදේශන සේවා ගිවිසුමක් සම්බන්ධයෙන් ශ්රී ලාංකික තාක්ෂණවේදී සහ පරිගණක විද්යාඥ සංජීව වීරවර්ණ ප්රශ්න කර ඇත. ඔහු රජයේ ජ්යෙෂ්ඨ නිලධාරීන්ගෙන් ඉල්ලා සිටින්නේ මෙම ගිවිසුමට අදාළ පසුබිම පිළිබඳව සොයා බලන ලෙසයි.
X (පූර්වයෙන් ට්විටර්) ගිණුමේ සටහනක් තබමින් වීරවර්ණ සඳහන් කර ඇත්තේ, මෙම උපදේශන ගිවිසුමේ ඇතැම් කරුණු සැකකටයුතු බවත්, විශේෂයෙන්ම ඊට සම්බන්ධ එක් සමාගමක පසුබිම පිළිබඳව ගැටලු පවතින බවත්ය.
ඇමෙරිකානු ඩොලර් මිලියන 30ක ADB ණය මුදලක් යටතේ ක්රියාත්මක වන “තිරසාර සංචාරක ක්ෂේත්ර සංවර්ධන වැඩසටහන” සඳහා මෙම උපදේශන කොන්ත්රාත්තුව පිරිනැමීමට පසුගියදා අමාත්ය මණ්ඩල අනුමැතිය හිමිවිය.
අමාත්ය මණ්ඩල තීරණයට අනුව, මෙම කොන්ත්රාත්තුව ශ්රී ලාංකික සමාගම් දෙකක් වන ‘Resources Development Consultants (Pvt) Ltd’ සහ ‘Novel Interdisciplinary Consulting Enterprise (Pvt) Ltd’ (NICE) යන ආයතන එක්ව ලබාදීමට නිර්දේශ කර ඇත. මෙම ව්යාපෘතියේ ප්රධාන අරමුණ වන්නේ දඹුල්ල-සිගිරිය සහ ත්රිකුණාමලය යන ප්රදේශවල තෝරාගත් සංචාරක ස්ථානයන්හි පදික හා ප්රවාහන පහසුකම් ඇතුළු යටිතල පහසුකම් නැංවීමයි.
ප්රවාහන, මහාමාර්ග සහ නාගරික සංවර්ධන අමාත්යාංශය විසින් උපදේශන සමාගම් 15කින් අදහස් විමසා සිටි අතර, පසුව සමාගම් 6කට යෝජනා ඉදිරිපත් කිරීමට ආරාධනා කර ඇත. ඉදිරිපත් වූ යෝජනා 5ක් ඇගයීමට ලක්කිරීමෙන් අනතුරුව, අගය එකතු කළ බද්ද (VAT) හැර රුපියල් මිලියන 173.86ක මුදලකට මෙම කොන්ත්රාත්තුව පිරිනැමීමට අමාත්ය මණ්ඩලය විසින් පත්කළ ප්රසම්පාදන කමිටුව නිර්දේශ කර තිබේ.
සංජීව වීරවර්ණ වැඩි අවධානයක් යොමුකර ඇත්තේ NICE සමාගම වෙතය. එම සමාගමේ වෙබ් අඩවිය ලෙස හඳුනාගත් සබැඳියක් ද පෙන්වා දෙමින් ඔහු සඳහන් කරන්නේ, එම වෙබ් අඩවියේ ඩොමේන් නාමය (Domain) ලියාපදිංචි කර ඇත්තේ 2025 මාර්තු මාසයේදී පමණක් බවයි.
එමෙන්ම, වෙබ් අඩවියේ ඇතැම් කොටස් නිසි ලෙස ක්රියා නොකරන බවත්, ඇතැම් පිටු වෙත පිවිසීමේදී අරාබි භාෂාවෙන් යුත් පෝරම දර්ශනය වන බවත් ඔහු පෙන්වා දෙයි. සමාගමේ ව්යාපෘති, පාරිභෝගික අදහස් සහ කළමනාකාරිත්වය පිළිබඳව වෙබ් අඩවියේ දක්වා ඇති තොරතුරු ඇතුළත් ඡායාරූප (Screenshots) ද ඔහු විසින් සමාජ මාධ්ය වෙත මුදාහැර ඇත.
එසේම, අදාළ සමාගමේ කළමනාකාර අධ්යක්ෂවරයා සහ තවත් අධ්යක්ෂවරයෙකු ඇතුළු පිරිසකගේ ප්රසිද්ධ වෘත්තීය තොරතුරු (Professional Profiles) පිළිබඳව ද ඔහු කරුණු දක්වා තිබේ.
කෙසේ වෙතත්, මෙම ප්රසම්පාදන ක්රියාවලිය නීති විරෝධී ලෙස සිදුවී ඇති බවට සංජීව වීරවර්ණ චෝදනා කර නොමැති අතර, ඔහු රජයේ ජ්යෙෂ්ඨ බලධාරීන්ගෙන් ඉල්ලා සිටින්නේ මෙම කොන්ත්රාත්තු එකඟතාව සහ ඊට සම්බන්ධ සමාගමේ පසුබිම පිළිබඳව සොයා බලන ලෙසයි.
This is fishy: Cabinet approves Rs. 174 m consultancy contract for $ 30 m tourism development program https://t.co/0hLhjp1C6O Consultancy firm that won is "M/s Novel Interdisciplinary Consulting Enterprise Ltd." Hmm. Seems their website is this: https://t.co/HuY4o0b4iT. Domain was registered in March 2025. Site doesn’t load properly and ends up in an Arabic form (see images). I had to use Chrome devtools to make scrolling work. Then I see the attached projects. Gotta love what their clients say (see image). And the managing director has his job title spelt wrong (see image). This appears to be the managing director: https://t.co/BqL9Mgt7TF who is apparently a procurement consultant for World Bank and/or ADB. According to the content from their site as summarized by Google, another director is "Sulaiman Nazamat Umar Mohamed Nizar is a Sri Lankan biotechnology professional and General Manager at Mike Biotech Asia Pvt Ltd since 2017. He holds a BSc (Hons) …" Hey @anuradisanayake @Dr_HariniA @BimalRathnayake there’s something seriously off here. @nimilamalee
— Sanjiva Weerawarana (@sanjiva) September 9, 2026
2026 සැප්තැම්බර් 10, පෙ.ව. 11:54
2026 සැප්තැම්බර් 10, පෙ.ව. 11:25
2026 සැප්තැම්බර් 10, පෙ.ව. 11:00
2026 සැප්තැම්බර් 10, පෙ.ව. 10:05
2026 සැප්තැම්බර් 10, පෙ.ව. 9:52