2026 සැප්තැම්බර් 14, පෙ.ව. 12:28
රාජ්ය පරිපාලන පළාත් සභා සහ පළාත් පාලන අමාත්යංශය විසින් ජල භීතිකා රෝගය තුරන් කිරීම හා සුනඛයින් ලියාපදිංචි කිරීම සදහා නව පනත් කෙටුම්පතක් හදුන්වාදීමට පියවර ගෙන ඇත.
එම පනත් කෙටුම්පත ගැසට් මගින් ප්රකාශයට පත් කර ඇති අතර ඒ අනුව සුනඛයින් එන්නත් කිරීම, සුනඛ ගහණය පාලනය කිරීම සහ සුනඛයින් වාණිජ අරමුණු සදහා අභිජනනය කිරීම, නියාමනය කිරීමේ අරමුණින් මෙම පනත් කෙටුම්පත හදුන්වාදී තිබේ.
ඒ අනුව මෙම පනත් කෙටුම්පත මගින් පරිපාලන සීමාව තුළ සිටින සෑම සුනඛයෙකුම වාර්ෂිකව ජල භීතිකා රෝගයට එන්නත් කළ යුතු බව සහ ලියාපදිංචි කළ යුතු බව සෑම පළාත් පාලන ආයතනයක් විසින්ම සිදුකළ යුතු බවට නියෝග ලබාදී ඇත.
මෙම පනත් කෙටුම්පතේ වැඩිදුරටත් සඳහන් වෙන්නේ වයස සති 06කට වැඩි සුනඛයෙකුගේ අයිතිකරු හෝ එවැනි සුනඛයෙකු සිය භාරයේ තබා ගන්නා යම් තැනැත්තෙකු විසින් එම සුනඛයා ජල භීතිකා රෝගයට එරෙහිව එන්නත් කිරීම හා වාර්ෂිකව අදාළ පළාත් පාලන ආයතනයේ ලියාපදිංචි කිරීම සිදුකළ යුතු බවයි.
සුනඛයා එන්නත් කර එන්නත් කිරීමේ සහතිකය නිකුත් කිරීමෙන් පසුව එම සුනඛයා සඳහා නියම කරනු ලද ගාස්තුවක් ගෙවීමෙන් පසු පළාත් පාලන ආයතනයේ ලියාපදිංචි කළ යුතු අතර එහිදි සුනඛයා සදහා ලියාපදිංචි කිරීමේ සහතිකයක් නිකුත් කිරීම සිදු කිරීමට නියමිතය.
සුනඛයින් ලියාපදිංචි කිරීම සිදු නොකරන්නේ නම් ලියාපදිංචි ගාස්තුවට අමතරව රුපියල් 2,000ක දඩ මුදලක් ගෙවීමට ද මෙම පනත් කෙටුම්පත මගින් නියෝග කර තිබේ.
සෑම පළාත් පාලන ආයතනයක්ම සිය පාලන බල ප්රදේශය තුළ සිටින ආයාලයේ යන සියලු සුනඛයින් වන්ද්යාකරනය කිරීමට හෝ පුමංගහරණය කිරීමට පියවර ගත යුතු බව එම පනත් කෙටුම්පතේ සදහන් වේ.
මීට අමතරව යම් සුනඛ අභිජනන මධ්යස්ථානයක් පවත්වා ගෙන යන්නේ නම් ඒ සදහා බලපත්රයක් ලබා ගැනීම අනිවාර්යය වන අතර එලෙස බලපත්රයක් නොමැති කිසිදු පුද්ගලයෙකුට සුනඛ පැටවුන් විකිණීමේ කාර්යය සදහා අවසර ලබා නොදීමට ද මෙමගින් යෝජනා කර ඇත.
2026 සැප්තැම්බර් 14, පෙ.ව. 12:34
2026 සැප්තැම්බර් 14, පෙ.ව. 12:31
2026 සැප්තැම්බර් 14, පෙ.ව. 12:22
2026 සැප්තැම්බර් 14, පෙ.ව. 12:20
2026 සැප්තැම්බර් 14, පෙ.ව. 12:15
14-09-26
14-09-26
14-09-26
14-09-26
13-09-26
13-09-26
13-09-26
13-09-26
12-09-26
12-09-26
12-09-26
12-09-26
12-09-26
12-09-26
12-09-26
12-09-26
11-09-26
11-09-26
11-09-26
11-09-26
11-09-26
11-09-26
11-09-26
11-09-26