2026 ඔක්‍තෝබර් 06, ප.ව. 12:12
දූෂණ චෝදනා මත අත්අඩංගුවට ගෙන සිටින හිටපු නියෝජ්‍ය අමාත්‍ය සරණ ගුණවර්ධනගේ බිරිඳ ඇතුළු සැකකරුවන් තිදෙනා කොළඹ මහේස්ත්‍රාත් අධිකරණයට ඉදිරිපත් කළේය.
අධිකරණයට ඉදිරිපත් කිරීමෙන් අනතුරුව සරණ ගුණවර්ධනගේ බිරිඳ, අධිකරණ සේවකයෙකු සහ රෙජිස්ට්‍රාර්වරයෙකු ලබන (20) වනදා දක්වා තවදුරටත් රක්ෂිත බන්ධනාගාර ගත කරන ලෙස කොළඹ ප්‍රධාන මහෙස්ත්‍රාත් අධිකරණය නියම කර ඇත.
අල්ලස් කොමිසමේ නිලධාරීන් හා සැකකරුගේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්‍රධාන මහෙස්ත්‍රාත් අසංග එස් බෝදරගම විසින් මෙම නියෝගය නිකුත් කළේය.
සිරදඬුවම් නියම වී සිටින සරණ ගුණවර්ධනට අදාළව කොළඹ මහාධිකරණ අංක 11 ශාලාවේ පවතින තවත් අල්ලස් නඩුවකට අදාළව සහනදායී දඬුවමක් ලබාදීම සඳහා රුපියල් 50,000ක් අල්ලස් ලබාදීම සහ ලබා ගැනීම, ඊට ආධාර අනුබල දීම සම්බන්ධයෙන් සැකපිට ඔවුන් අල්ලස් කොමිසම විසින් අත්අඩංගුවට ගත්තේය.
2026 ඔක්‍තෝබර් 06, ප.ව. 12:31
2026 ඔක්‍තෝබර් 06, පෙ.ව. 11:40
2026 ඔක්‍තෝබර් 06, පෙ.ව. 10:15
2026 ඔක්‍තෝබර් 06, පෙ.ව. 8:41
2026 ඔක්‍තෝබර් 06, පෙ.ව. 8:38