සිංගප්පූරු ගිය ශිරන්ති යළි දිවයිනට

2026 ඔක්‍තෝබර් 06, පෙ.ව. 8:38

---

---

‍විදෙස් ගතව සිටි හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය දිවයිනට පැමිණ තිබේ.

අද (05) රාත්‍රියේ මලයාසියාවේ ක්වාලාලාම්පූර් නුවර සිට මලයාසියානු ගුවන් සේවයට අයත් ගුවන් යානයකින් ඇය දිවයිනට පැමිණි බව ‘ඒෂියන් මිරර්’ ගුවන්තොටුපොළ වාර්තාකරු සඳහන් කළේය.

දිවයිනට පැමිණි ශිරන්ති රාජපක්ෂ මහත්මිය ගුවන්තොටුපොළෙන් පිටවීම සඳහා විශේෂ අමුත්තන් සඳහා වූ ගෝල්ඩ් රූට් පහසුකම භාවිතා කර තිබේ.

පසුගිය සැප්තැම්බර් මස 16වැනි දින වෛද්‍ය ප්‍රතිකාර ලබාගැනීම සඳහා සිංගප්පූරුව බලා ශිරන්ති රාපක්ෂ මහත්මිය පිටත්ව ගිය අතර, පොලිස් මූල්‍ය අපරාධ විමර්ශන කොට්ඨාසය විසින් සිදුකරනු ලබන විමර්ශනයකට අදාළව ප්‍රකාශයක් ලබාදෙන ලෙස ඇයට දැනුම් දී තිබුණි.

කෙසේවෙතත් අද දිනයේ දී තමන්ව අත්අඩංගුවට ගැනීම වළක්වාලන නියෝගයක් නිකුත් කරන ලෙස ඉල්ලා ශිරන්ති රාජපක්ෂ මහත්මිය මාළිගාකන්ද මහෙස්ත්‍රාත් අධිකරණය වෙත අපේක්ෂිත ඇප අයදුම්පතක් ද ඉදිරිපත් කරනු ලැබීය. 

---