නැනෝ නයිට්‍රින් දියර පොහොර සැපයුම්කරුට කෝටි 05ක් වැඩිපුරත් දීලා

2023 ජූනි 25, පෙ.ව. 3:01

---

---

රජය මගින් නැනෝ නයිට්‍රජන් දියර පොහොර ආනයනයේ දී සැපයුම්කරුට වැඩිපුර ගෙවා ඇති රුපියල් හාරකෝටි අනුඅටලක්ෂ හතලිස්හයදහස් හාරසියහයකමුදලක් (49,846,406) මෙම වර්ෂයේ (2023) ජනවාරි මස 30 වැනි දින වන විටත් අය කරගෙන නොතිබු බව ජාතික විගණන කාර්යාලය පවසනවා.

නැනෝ නයිට්‍රජන් දියර පොහොර බෝතල් 100,224ක් 2021 ඔක්තෝබර් මස 18 වැනි දින ආනයනය කිරිම සදහා  සැපයුම්කරු වෙත බෝතලයකට ඇමරිකානු ඩොලර් 12.45 බැගින් රුපියල් විසිපන්කෝටි තිස්තුන්ලක්ෂ එක්දහස් එකසිය විසිහයක (253,301,126) මුදලක් ගෙවා තිබුණි පසුව බෝතලයක මිල ඇමරිකානු ඩොලර් 10 දක්වා අඩුකර ගැනිමට කටයුතු කර තිබුණා. 

සැපයුම්කරුට වැඩිපුර ගෙවා ඇති මුදල අය කරගෙන නොතිබු අතර සිමාසහිත කොළඹ කොමර්ෂල් පොහොර සමාගමේ අවසන් ගිණුම් තුල එම වටිනාකම ලැබියයුතු මුදලක් ලෙස ගිණුම්ගතකර නොතිබු බවද විගණන වාර්තාවේ සදහන් වෙනවා.

මේ පිළිබද අදාල පොහොර සමාගමේ කළමණකාරිත්වය විසින් විගණනයට සදහන් කොට ඇත්තේ අමාත්‍ය මණ්ඩලයේ අනුමැතිය මත රටෙහි හදිසි අවශ්‍යතාවය හේතුකොට ගෙන නැනෝ නයිට්‍රජන් දියර පොහොර ආනයනය කිරිමට කෘෂිකර්ම අමාත්‍යංශය මගින් තිරණය කළබවය ඒ අනුව ඇමරිකානු ඩොලර් 12.45ක මුදලකට නැනෝ නයිට්‍රජන්  මිලිලටර් 500ක බෝතලක් මිලදි ගැනිමට තිරණය කළ බවත් දියර පොහොර බෝතල් 100,224ක් පළමු තොගය ලෙස ආනයනය කිරිමට කටයුතු කළ බවය.

ඒ සදහා Telegraphic Transfer ක්‍රමය භාවිතාකර  සැපයුම්කර වෙත ගෙවිම් කළ අතර පසුව අමාත්‍ය මණ්ඩලයේ තිරණය මත ණයවර ලිපි විවෘතකර ඇමරිකානු ඩොලර් 10 බැගින් ඉතිරි දියර පොහොර සදහා ගෙවිම් කරනු ලැබු බවද වාර්තා වෙනවා.

ඉතිරි දියර පොහොර ආනයනයේ දි සැපයුම්කරු වෙත වැඩිපුර ගෙවනු ලැබු මුදල ණයවර ලිපිය මගින් ගෙන්වනු ලබන පොහොර සදහා ගෙවිම් කිරිමේ දි  අයකරගැනිම සදහා බැංකුව වෙත උපදෙස් ලබා දුන්නද ඒ සදහා හැකියාවක් නොමැති බවට බැංකුව විසින් දැනුම් දුන් බවද පොහොර සමාගම විසින් විගණනයට සදහන් කොට ඇති බව වාර්තා වෙනවා.

වැඩිපුර ගෙවා ඇති මුදල් මහභාණ්ඩාගාරය වෙත ගෙවිය යුතු මුදලක් වන අතර  මෙහි වාණිජමය ගණුදෙනුවක් සිදු නොවු බවද සමාගම විසින් විගණනයට සදහන් කොට තිබෙනවා.

පොහොර සමාගමේ කාර්යභාර්ය වුයේ  අදාළ දියර පොහොර තොග  බෙදාහැරිමේ කාර්ය පමණක් වු අතර  අතරමැදි පාර්ශවය ලෙස මෙකි කටයුත්තට සම්බන්ද වු බැවින් අදාල මුදල අයකරගැනිමට  අවශ්‍ය නිතිමය කටයුතු සදහා පොහොර සමාගම මැදිහත් වි  ඇති බවද විගණනයට සදහන් කොට තිබෙනවා.

ගාල්ල – ලලිත් චාමින්ද

---