“අනෙකුත් වැඩ සියල්ලටම වඩා මගේ දුව එක්ක ගත කරන ජීවිතය වටිනවා”

2023 නොවැම්‍බර් 27, පෙ.ව. 12:04

සුන්දර නිළි, නිරූපණ ශිල්පිනි ශිරෝෂි රොමේෂිකා පසුගිය දිනෙක මුහුණ පෑ මාරක රියඅනතුර ඔබට මතක ඇති.

මෙම අනතුරින් අනතුරුව ජීවිත අවදානමේ සිටි ඇය මේ වන විට සුවය ලබා ඇති බවයි අපට වාර්තා වන්නේ.

කළුතර මුහුදු තීරයේ දී ජෙට්ස් කී රථයක් ධාවනය කරන අතරතුරදී යි ඇය මෙම මාරක අනතුරට ලක්ව ඇත්තේ.

නොසිතූ විදිහට සිදුවුණ මේ අනතුර අදටත් ඇයගේ ජීවිතයට අමතක වෙන්නට සිදුවීමක් කියලා කියලා ඇය සඳහන් කළා.

ඉතින් ඒ විදියට අදහස් දක්වන ඇය අනතුරට ලක්වෙන මොහොතේත් ආදරණීය දියණියකගේ මවක්.

අදටත් ඇය අතිශය ජනප්‍රිය.

නිර්මාණවලින් කාර්යබහුල වෙනවට වඩා ඇය සිය පෞද්ගලික ජීවිතයට මුල් තැනක් දී ඇති හැඩයි.

”…මගේ ජීවිතය සම්බන්ධයෙන් සහ අනෙකුත් පෞද්ගලික වැඩ සම්බන්ධයෙන් මම කාර්යබහුල වුණා. ප්‍රධානම හේතුව මගේ ආදරණීය දියණිය. එයා දැන් තරමක් වැඩුණු කෙනෙක් නිසා මට මේ විධියට කලා කටයුතුවලට සහාය දෙන්න පුළුවන් වෙලා තිබෙනවා. අනෙකුත් වැඩ සියල්ලටම වඩා මගේ දුව එක්ක ගත කරන ජීවිතය වටිනවා. ඒ නිසා වැඩ මඟඇරුණා කියන පසුතැවීම මගෙ හිතේ නැහැ… නිර්මාණ කිහිපයක මාව වෙනස් විධියට දැකගන්න පුළුවන් වේවි. මම තෝරා බේරාගෙන වැඩ කරන කෙනෙක් නිසා වැඩ ගොඩක් බදාගෙන අපහසුතාවට පත්වෙන එක මගෙ විධිය නෙවෙයි.”